مه‌سرور بارزانى ل سالیادا شۆره‌شا ئه‌یلوولێ: شۆره‌شه‌كا نیشتیمانى و كوردستانى بوو

سه‌رۆكوه‌زیرێن هه‌رێما كوردستانێ په‌یامه‌ك ب هه‌لكه‌ڤتا 63 سالییا شۆره‌شا مه‌زنا ئه‌یلوولێ به‌لاڤكر و تێدا دیاركر، شۆره‌شه‌كا نیشتیمانى و ژ پێخه‌مه‌ت داكۆكیكرن ژ مافێن ڕه‌وا یێن خه‌لكێ كوردستانێ بوو.
مه‌سرور بارزانى سه‌رۆكوه‌زیرێن هه‌رێما دیاركر، شۆره‌شه‌كا نیشتیمانییا سه‌رتاسه‌رییا كوردستانێ بوو، ب سه‌ركردایه‌تییا ڕابه‌رێ نیشتیمانى بارزانییێ نه‌مر.
ئاماژه‌ ب هندێ ژى دا، شۆره‌شا ئه‌یلوولێ قووناغه‌كا گه‌شا خه‌باتا ڕزگاریخوا گه‌لێ كوردستانێیه‌، ژ پێخه‌مه‌ت مافێن ڕه‌وان و خۆ ب ده‌ستڤه‌به‌رنه‌دانێ و داكۆكیكرنێ ژ ئاخ و خه‌لكێ كوردستانێ.
هه‌روه‌سا ئاشكراكر، بهایێن بلندێن شۆره‌شا ئه‌یلوولێ چه‌سپاندنا دادپه‌روه‌رى و ئێكریزى و ئیكگرتن و ڕاوه‌ستیان به‌رامبه‌ر سته‌مێ ب ده‌ستخستن، هه‌رده‌م نموونا بلندا كاركرنا وانه‌، ژ پێخه‌مه‌ت خزمه‌تكرنا زێده‌تر یا خه‌لكێ كوردستانێ و پاراستنا ده‌ستكه‌ڤتێن نیشتیمانى.