مەکتەبا سیاسییا پارتی دیموکراتی کوردستان ب هەلكەفتا 63 سالییا شۆڕەشا ئەیلوولێ پەیامەك بەلاڤكر و دووپات ل پرۆسەیا هەلبژارتنەكا پاقژ و ئازادانە كر كو بڕیارە ل 20-10-2024ـێ بهێتە ئەنجامدان، هەروەسا پشتەڤانییا خۆ ژی بۆ چارەسەرکرنا ئاریشەیا مووچەیی دیاركر.
مەکتەبا سیاسییا پارتی بەحس ل ئاریشەیا دناڤبەرا هەولێر و بەغدا كر و دیاركر، ب هەمی شێوەكی پشتەڤانییێ ل چارەسەركرنا ئاریشەیێن دناڤبەرا حكومەتا هەرێما كوردستانێ و حكومەتا فیدرال دكەین، بۆ بجهئینانا دەستوور و ڕێككەڤتنا سیاسی و ئیداری، ب تایبەت ئاریشەیا مووچە و بودجەیی یا ھەرێما کوردستانێ.
مەکتەبا سیاسییا پارتی ڕاگەهاند، ئەڤێ هەلكەفتنێ ب دەرفەت دزانین، هەردەم دووپات ل سەر ڕێبازا کوردایەتی و نەتەوەیی و پارتی بکەین، بۆ بهێزكرنا ھەماھەنگی و سیاسی و هەڤهەلویستی هەمی حزب و لایەنێن سیاسی یێن کوردستانێ، بۆ چارەسەرکرنا ئاریشەیان و پاراستنا قەوارەیێ دەستووری و یاسای یێ ھەرێما کوردستانێ.
