ل حه‌فتییا بهێت شانده‌كێ لژنا داراییا پەرلەمانێ عێراقێ دێ سەره‌دانا هەرێما کوردستانێ كه‌ت.
عەتوان عەتوانی، سەرۆکێ لژنا داراییا پەرلەمانێ عێراقێ دیار كر: ل حه‌فتییا بهێت شانده‌كێ لژنا داراییا پەرلەمانێ عیراقێ بۆ چاوانییا بجهئینانا بڕیار و ڕاسپاردێن کۆمبوونا جڤاتا وەزارییا ئابوورییا دناڤبه‌را هەردو حکومەتێن فیدرالی و هەرێما کوردستانێ؛ دێ سەره‌دانا هەولێرێ كه‌ت و دێ ل گەل وەزارەتا دارایی کۆمبیت.
ناڤهاتی گۆت ژی، لژنا دارایی وەکو لایەنه‌كێ چاڤدێر، دێ دووڤچوونێ بۆ بجهئینانا ئەوان ڕێککەڤتنان كه‌ت یێن كو دناڤبه‌را هەردو حکوومەتێن فیدراڵی و حکومەتا هەرێما کوردستانێ د بیاڤێ مووچەیی، باجێ، گومرگێ و دەرگه‌هێن سنووری دا هاتینه کرن.
سەرۆکێ لژنا دارایی گۆت ژی: نوكه چ ئاریشه ل هه‌مبه‌ر هنارتنا مووچێ فەرمانبەرێن هەرێما کوردستانێ نەماینە .
