ڕاگەهاندنا مەكتەبا سیاسییا پارتی ب هەلكەفتا یادا ژدایكبوونا موحەمەد پێغەمبەر سلاڤ لێ بن

مەکتەبا سیاسییا پارتی دیمۆکراتی کوردستان ب هەلكەفتا یادا ژدایكبوونا موحەمەد پێغەمبەر سلاڤێن خۆدێ لێ بن، ڕاگەهاندنەك بەلاڤكر.

دەقێ ڕاگەهاندنا مەکتەبا سیاسییا پارتی:

ب هەلكەفتا هاتنا یادا ژدایكبوونا پێغەمبەرێ ئیسلامێ، حەزرەتێ موحەمەد ( سلاڤێن خۆدێ ل سەر بن ) گەرمترین پیرۆزباهییان ئاراستەی سەرجەم موسلمانێن کوردستانێ و عیراقێ و جیهانێ دکەین، هیڤیدارین ئەڤ هەلكەفتا پیرۆز ببیتە هێڤێنێ خێر و خۆشییێ بۆ جڤاكێ مە ب هەمی پێكهاتەیێن وێ ڤە.
د ڤێ دەرفەتێ دا وەكو چەوا هەرێما كوردستانێ هەردەم نموونەیا وەلاتێ فرەئایین و ئایینزایان بوویە، هەمدیسان دۆپاتییێ دكەین ل سەر موكمكرنا گیانێ ئاشتەوایی و لێبورینێ و پێکڤەژیانێ و هەماهەنگییا کۆمەلایەتی و دویرخستنا هزرا توندوتیژییێ ل هەرێما کوردستانێ.
جارەکا دی بیرەوەرییا ژدایكبوونا موحەمەد پێغەمبەر سلاڤێن خۆدێ لێ بن ل هەمی موسلمانان پیرۆز بیت.