<h3 style="text-align: justify;"><span style="font-size: 18pt;">كۆمهلا پیشهسازییا پهترۆلا كوردستان - ئهپیكور، داخوازا بهردهوامبوونا كۆمبوونێن دناڤبهرا ههولێر و بهغدادا بۆ دهستپێكرنا هنارتنا پهترۆلا ههرێما كوردستانێ دكهت.</span> <span style="font-size: 18pt;">كۆمهلا ئهپیكور د ڕاگههاندنهكێدا داخوازكر ب زووترین دهم هنارتنا پهترۆلا ههرێما كوردستانێ ب ڕێیا بۆرییا پهترۆلا عیراق – توركیا دهستپێبكهت، ئهپیكور وهسا دبینیت داخۆیانییێن ڤێ دووماهییێ یێن سهرۆكوهزیرێن عیراقێ پالدانهكه بۆ وان داكو ل دووماهییا ئهڤساله هنارتنا پهترۆلێ دهستپێبكهن.</span> <span style="font-size: 18pt;">ل دووڤ ڕاگههاندنێ، ئهپیكورێ ئامادهییا خۆ بۆ دهستپێكرنا هنارتنا پهترۆلێ نیشاندایه، ب مهرجهكى پشتراستى پێ بهێته دان كو دێ حهقدهستێ پێشتر و یێ بهێت یێن كومپانییان هێتهدان، مهرجێن وان یێن ئابوورى و بازرگانى هێنه پاراستن.</span> <span style="font-size: 18pt;">ئهپیكور ئاماژێ ب كۆمبوونا ڤێ حهفتییێ یا كۆمهلا گشتییا نهتهوهیێن ئێكگرتى دكهت، كو بریاره ل 24ى ڤێ ههیڤێ ل نیۆیۆركێ بهێتهكرن، داخوازێ دكهت، حكومهتا عیراقێ ب ههماههنگى دگهل حكومهتا ههرێما كوردستانێ و كۆمپانییێن نێڤدهولهتى ئاریشهیێن ههلاویستى یێن دناڤبهرا خۆدا چارهسهربكهن، ب زووترین دهم پرۆسهیا هنارتنا پهترۆلێ دهستپێبكهت.</span></h3>
