<h3 style="text-align: justify;">ڕێڤهبهرێ كۆچ و كۆچبهرێن دهۆكێ ڕاگههاند، ب بریارا حكومهتا عیراقێ بۆ دهمێ دوو ههیڤایه ڤهگهریانا ئاوارهیان هاتییه ڕاوهستاندن، ب شێوهیهكێ گشتى دئهڤسالهدا نێزیكى نههـ هزار ئاوارهیان ڤهگهریاینه. پیردهیان پیر جهعفهر ڕیڤهبهرێ كۆچ و كۆچبهرێن دهۆكێ بۆ ئاژانسا خانى دیاركر، 20 كهمپ ل سنوورێ پارێزگهها دهۆكێ ههنه، 15 ژ وان ئاوارهیێن ناڤخۆ و پێنج ژى پهنابهر تێدانه، 14 ژ وان كهمپان تایبهتن ب ئاوارهیێن شنگالێ و دهوروبهرێن وێ، نوكه 22 هزار و 431 خێزانێن كوردێن ئێزدى د كهمپاندانه. ڕێڤهبهرێ كۆچ و كۆچبهرێن دهۆكێ سهبارهت ڤهگهریانا كوردێن ئێزدى بۆ جهێن وان ئاشكراكر، ئهڤساله ب ڕێیا وهزارهتا كۆچ و كۆچبهرێن عیراقێ و ڕێكخراوا نێڤدهولهتییا كۆچێ، نێزیكى نههـ هزار خێزان ژ كهمپان ڤهگهریانه جهێن خۆ.</h3>
