پێشەوا هەورامانی، پەیڤدارێ حکومەتا هەرێما کوردستانێ، ڕاگەهاند کو تیما تەکنیکی یا وەزارەتا دارایی یا حکومەتا هەرێما کوردستانێ ل بەغدا دەست ب كۆمبوونێ کریە و لیستا مووچێن هەیڤا هەشت و نەھ دگەل خۆ بریە.
هەروەسا پێشەوا هەورامانی گۆت: هەرچەندە بریار بوو شاندەکێ بلند یێ حکومەتا هەرێما کوردستانێ بچیتە بەغدا، لێ تیما تەکنیکی یا وەزارەتا دارایی و ئابووری یا هەرێما کوردستانێ نوکە ل بەغدایە و دەست ب كۆمبوونان کریە. وان لیستا مووچێن هەردوو هەیڤێن هەشت و نەھ و بودجەیا پێداچوونێ و بەرسڤا هەمی پرسیارێن وەزارەتا دارایی یا حکومەتا عیراقێ دگەل خۆ برینە.
پەیڤدارێ حکومەتا هەرێما کوردستانێ ڕاگەهاند کو تیما تەکنیکی یا وەزارەتا دارایی دوماهی راستڤەكرنێن بایۆمەتری ژی بریە. ئەو دێ لێکۆلینێ ل سەر کێماسیا پارێن هەیڤا تەباخێ کەن کو وەزارەتا دارایی نەهنارتییە و كۆژمێ وێ زێدەتر ژ 240 ملیار دینارایە.
