ئهڤرۆ سێشهمبى 24 ی ئیلۆنا 2024 ێ” د. عهلى تهتهر” پارێزگارێ دهۆكێ پێشوازیا تیمهكێ نۆشدارێن ئیتالى ب سهرۆكاتیا دكتۆره (یولى پینتوو ) و بهرپرسا رێكخراوا هیڤى نازدار كر .
دههڤدیتنهكێدا ب ئامادهبوونا ” ئهفراسیاب موسا ” رێڤهبهرێ گشتییێ ساخلهمیێ ل پارێزگههێ بهحسێ بهرنامێ تیمێ نۆشدارى یێ ئیتالى ژ بۆ ئهنجامدانا كۆمهكا نشتهرگهریێن دلى بۆ وان زارۆیان كر” ئهوێن تووشى نهخۆشیێن دلى بووین.
پارێزگارێ دهۆكێ خۆشحالیا خۆ ب هاتنا تیمێ نۆشدارێن ئیتالى دیاركر و رۆلێ وان و رێكخراوا هیڤى نازدار بلند ههلسهنگاند ههمبهر ئهو كارێ مرۆڤایهتى یێ پیرۆز و نشتهرگهریێن دهگمهن یێن بۆ زاروكێن پارێزگههێ دكهن وبهرههڤیا پارێزگههێ نیشان دا بۆ ههر هاریكاریهكا پێدڤى.
بریار ئهوه دڤێ گهرێدا تیمێن نۆشدارى یێن ئیتالى ب ههڤكارییا رێكخراوا هیڤى نازدار (10) زارۆیان ئهوێن دزكماكیدا تووشى نهخۆشیێن دلى بووین نشتهگهریێن پێدڤى بۆ ئهنجامدهن .
ساڵا 1998 رێكخراوا هیڤى نازدار هاتییه دامهزراندن و ههتا نوكه پترژ(900) زارۆكێن نهخۆشیێن دلى ههین ل دهۆك و ئیتالى هاتینه چارسهركرن.
