پارێزگارێ دهۆکێ دیاركر: هژمارەكا بهربژێران ژ ئهگهرێ ” بنپێکرنا ڕێنماییێن کۆمیسیۆنێ” ل دهمێ بانگەشا هەلبژارتنێن پەرلەمانێ کوردستانێ، هاتنه سزادان.
د. عەلی تەتەر، پارێزگارێ دهۆکێ د کۆنگرهكێ رۆژنامەڤانی دا گۆت: هژمارەكا بهربژێران ژ لایێ لقێ دهۆکێ یێ کۆمیسیۆنا هەلبژارتنێن عێراقێ ڤه هاتینه سزادان” ژبهركو ب شێوەكێ نه یاسایی پۆستەرێن خۆ بۆ بانگەشا ههلبژارتنان ل سەر جادان دانابوون و ڕێیا هاتنوچوونا وهلاتییان گرتبوو” ههروهسا لژنەكا تایبەت ب هەماهەنگی ل گەل لقێ دهۆکێ یێ کۆمیسیۆنا هەلبژارتنێن عێراقێ، ب مهرهما دووڤچوونێ بۆ کەڤتن و دراندن و شێواندنا پۆستەرێن بهربژێران ل سنوورێ پارێزگهها دهۆكێ پێکئینایه و ههر كهسێ سەرپێچییان بكهت و هەر کی بیت، دێ هێته سزادان.
د. عەلی تەتەری گۆت ژی “وەکو حکومەت، ئیدارا پارێزگهها دهۆکێ و لژنا ئەمنی یا سەرپەرشتییا پرۆسا هەلبژارتنان ل سنوورێ پارێزگهها دهۆکێ، دخوازین بانگەشە ب رهنگهكێ مەدەنی، شارستانی، دیموکراسییانە، ئارام و دوور ژ پێشێلکارییان برێڤە بچیت” ههروهسا سەرکەڤتنا سەرەکی و مهزن، سەرکەڤتنا پرۆسا هەلبژارتنایە، نەکو هەر لایەنهک چەند کورسییان ب دەستڤه د ئینیت.
دەنگدانا گشتییا خولا شەشێ یا پەرلەمانێ کوردستانێ ل رۆژا 20-10-2024 ێ و دەنگدانا تایبەت یا پێشمەرگەیی و هێزێن ئەمنی دێ ل رۆژا 18-10-2024 ێ” هێته كرن.
وهكو دیار” 136 لیست و 1,191 بهربژێرێن لایەنان و سەربەخۆ و کۆتا دێ ههڤركییێ بۆ بدەستڤهئینانا 100 کورسییێن پەرلەمانێ كوردستانێ کەن.
