د.خه‌لیل غازى دوسكى: چ بنه‌ما بۆ وان ئاخڤتنان نینن یێن دبێژن حكومه‌تا هه‌رێمێ لیستا مووچه‌ى گیرو دكه‌ت

د. خه‌لیل غازى دوسكى ئه‌ندامێ لژنه‌یا دارایى ل جڤاتا نوونه‌رێن عیراقێ بۆ ئاژانسا خانى ڕاگه‌هاند، چ ڕاستى بۆ وان گوتگوتكان نینه‌ یێن دبێژن كو حكومه‌تا هه‌رێما كوردستانێ ئه‌گه‌رێ گیرووبوونا لیسته‌یێن مووچه‌ییه‌، حكومه‌تا هه‌رێمێ كارێ خۆ ب دروستى دكه‌ت و چ كێموكاسى دلیسته‌یێن مووچه‌یدا نینن.
د. خه‌لیل غازى دیاركر، حكومه‌تا هه‌رێمێ لیستا مووچه‌ى پێشوه‌خت بۆ به‌غدا دهنێریت، لێ پرۆسه‌یا هویربینییێ د چه‌ند فلته‌راندا دبووریت، كو لیسته‌ ل دیوانا ژمێریارى و دیوانا چاڤدێرییا دارایى گیرو دبیت، حكومه‌تا هه‌رێمێ كارێ خۆ دروستى دكه‌ت، لێ گه‌له‌ك جاران به‌غدا ب بهانه‌یێن بێ بنه‌ما لیسته‌ گیرۆدكه‌ت.
ئاماژه‌ ب هندێ ژى دا ئه‌وێن دبێژن: حكومه‌تا هه‌رێمێ ئه‌گه‌رێ گیرۆكرنێیه‌، ئه‌و ڕاست نا ئاخڤن و چ بنه‌ما بۆ ئاخڤتنێن وان نینن.