ئه‌ڤرۆ دوشەمبی 30 ی ئیلۆنا 2024 ێ” ل سەلاحەدین سەرۆك مەسعود بارزانی” پێشوازی ل ئیلبروس کوتراشیڤ بالیۆزێ ڕووسیا ل عێراقێ كر.
د وێ دیدارێ دا كو مەكسیم ڕوبین كونسولێ گشتییێ ڕووسیا ل هەولێرێ ئامادەبوو، بالیۆزێ ڕووسیا ستایشا ئەوێ سەقامگیرییێ و ئارامییێ كر یاكو ل هەرێما كوردستانێ بەرقەرار و ڕاگەهاند” وه‌لاتێ وی ب گرنگی ڤه به‌ه‌رێ خۆ دده‌ته پەیوەندییێن ل گەل هەرێما كوردستانێ” بالیۆزێ ڕووسیا ل عێراقێ هەروەسا سوپاسییا حكومەتا هەرێما كوردستانێ كر بۆ ئامادەكارییان بۆ بەستنا كۆنفڕانسێ (ڕۆلێ ڕۆژهەڵاتناسێن ڕووسی د ناساندنا پرسا كورد و كوردستانێ) ب هه‌ڤپشكی و هەماهەنگییا دناڤبه‌را نوونەراتییا حكومەتا هەرێمێ ل ڕووسیا و زانكۆیا سۆران و پەیمانگه‌ها ڕۆژهەڵاتناسییا ڕووسی.
هەر د وێ دیدارێدا ره‌وشا سیاسییا عێراقێ و سووریێ و داوی گوهۆرینێن ل سەر ئاستێ ده‌ڤه‌رێ و مەترسی و ته‌حه‌دییێن ل هه‌مبه‌ر سەقامگیرییا ده‌ڤه‌رێ هاتنه به‌حسكرن”
پەیوەندییێن حكومەتا هەرێمێ و حكومەتا عێراقا فیدڕالی و هەڵبژارتنێن پەرلەمانێ كوردستانێ ل 20 ی ئۆكتۆبەرا 2024 ێ” تەوەره‌كێ دیترێ وێ دیدارێ بوو.
