بەرپرسێ مەكتەبا ڕێكخستنا هەولێر یا پارتی دیمۆكراتی كوردستان ڕاگەهاند، ئێك ژ دروشمێن هەلبژارتنان یێ پارتی، ئارامییە، مە باوەری ب ئایندەیەكێ گەش بۆ خەلكێ خۆ و وەلاتێ خۆ هەیە. لێ جهێ داخێ یە دروشمێن حزبێن دی هەمی سەربازی نە.
د. پشتیوان سادق، بەرپرسێ مەكتەبا ڕێكخستنا هەولێر یا پارتی دیمۆكراتی كوردستان د كۆنگرەكێ ڕۆژنامەڤانی دا ڕاگەهاند، مە باوەری هەیە پشتی هەلبژارتنان حكومەتەكا سەرتاسەری ل هەرێمێ دروست بكەین، داكو خەلكێ كوردستانێ ژ وێ ڕەوشا ل هندەك جهان هەی، ڕزگار ببیت. د دەمێ بووری دا ل سلێمانییێ ڕێگری هەبوو حكومەت ڕۆلێ خۆ بگێڕیت، لەوما پێدڤییە ب هێمنی بانگەشە بڕێڤە بچیت.
