بۆ ریمهتیێ ئێكهتیێ 28 كادرێن خۆ ل بازنهیا پارێزگهها دهۆكێ بهربژاركرینه، لێ ل دووماهیێ ههمی بهربژار ” لۆمارێ”.
ئاژاسنا خانی زانیه، ئێكهتی ترسا ههی رێژهیا پشكداربوونا دهنگدهران ل سنورێ پارێزگهها دهۆكێ بگههیته 80%، ژبهر ڤێ چهندێ بهایێ ههر كورسیهكێ دێ بیته گهلهك و ئهو وهكو حزب نهشێن هیچ بهربژارهكێ خۆ سهربێخین، لێ داكو دهنگێن وان ب ههروه نهچن، سهرۆكێ وێ حزبێ دهست بۆ پلانهكا مهترسیدار ل دژی بهربژارێن خۆ بریه، ئهو ژی دهنگدانه ب بهربژارێ رهیان كلدانێ ژ بۆ مسۆگەرکرنا كۆتایا كریستیانان.
رێكهفتن چهوایه؟
ژبلی لاوازیا ئێكهتیێ د ناڤ جهماوهرێ دهۆكێ دا، بافل تالهبانی دخوازیت ل ههمبهر ئهوان رێكهفتنێن كو رهیان كلدانی ل مووسلێ و كهركووكێ ل گهل وی كری، ئهو ژی ل دهۆكێ دێ بۆ حزبا بابلیۆن بكهت، بۆ ڤێ یهكێ ژی ئهندام و كادرێن ئاراسته كرینه ل 20 ئۆكتۆبهرێ دهنگی ب بهربژارێ رهیان كلدانی بدهن و ب وێ رێكێ دێ شێن كورسیهكا كۆتایێ و نیزیك ژ فراكسیۆنا ئێكهتیێ ل پهرلهمانێ كوردستانێ زێده بكهن.
زانیاریێن تایبهت دبێژن: ههتا بهری دو رۆژان ژی ئهڤ رێكهفتنه نهێنی بوویه، لێ پشتی مهلبهندێ چارێ ئێكهتیێ ل دهۆكێ رێكخستیێن خۆ ئاگههداركرین دهنگی ب بهربژارێ بابلیۆن بدهن، دهنگێ نهرازیبوونێ ل دهف بهربژارێن ئێكهتیێ ل دهۆكێ چێبوویه و ئاژنسا خانی زانیه ههتا نوكه 4 بهربژارێن ئێكهتیێ ژ سهركهفتنێ بێهیڤی بووینه و وان دهست ژ بانگهشێ بهردایه.
چهندین سالن ئێكهتی ب زەحمەت دشێت ب ڕێكا دهنگدهرێن خۆ كورسیهكێ ل دهۆكێ ب دهستڤه بینیت، د ههلبژارتننێن بوری یێن پهرلهمانێ عیراقێ، ئێكگرتو ل سنورێ بازنا شێخان و ئاكرێ و بهردهرهش دهنگ ب بهربژارا ئێكهتیێ دا و سهركهفته پهرلهمانێ عیراقێ، ب ههمان شێوه ئێكهتیێ ل بازنهیا زاخۆ و سێمێلێ دهنگ ب بهربژارێ ئێكگرتوویێ دا. لێ بۆ ڤێ هەلبژارتنێ چونكی رێكەفتنەكا وەسا نەهاتیە كرن، ئێكەتی بێهیڤی بوویە بەربژارێن وێ ل دهۆكێ بگەهیتە پەرلەمانی لەورا دخوازیت كورسیا كۆتایێ ل گەل رەیان كلدانی ب دەستڤە بینیت.
