نێچیرڤان بارزانى ب هه‌لكه‌ڤتا جه‌ژنا جه‌مایێ: بلا ئێزدى د پشتراستبن دێ هه‌ر مینین پشته‌ڤان و پارێزڤانێن ماف و داخوازییێن وان

نێچیرڤان بارزانى سه‌رۆكێ هه‌رێما كوردستانێ دپه‌یامه‌كێدا جه‌ژنا جه‌مایێ ل خووشك و برایێن ئێزدى پیرۆزكر، ئه‌ڤه‌ ده‌قێ وێیه‌:
ب گه‌رمى و پر ژ دل جه‌ژنا جه‌مایێ ل هه‌موو خووشك و برایێن مه‌ یێن ئێزدى ل كوردستانێ و عیراقێ و هه‌ر جهه‌كێ جیهانێ پیرۆزبیت، هیڤییا جه‌ژنه‌كا ئارام و ته‌نا بۆ هه‌موویان دخوازم، هیڤیدارم ئه‌ڤ جه‌ژنه‌ و هه‌موو جه‌ژن و بیرهاتنێن وان، هه‌ر گاڤ ب خێر و خۆشى ڤه‌گه‌رن.
ئه‌م ديسا وه‌لاتییێن خۆ يێت ئێزدى پشتڕاست دكه‌ين كو وه‌ك هه‌رگاڤ دێ هه‌ر مينين پشته‌ڤان و پارێزڤانێت ماف و داخوازێت وان، هه‌روه‌سا ژبۆ هه‌موو پێكهاتێن ئۆلى و نه‌ته‌وه‌يى، هه‌رێما كوردستانێ دێ هه‌ر وه‌لاتێ پێكڤه‌ژيانا ئاشتيانه‌ بيت.