ئەڤرۆ دوو سال ب سەر تیرۆركرنا شەهید هاوكار جاف دەربازدبن كو ژلایێ دژەتیرۆرا ئێكەتییێ ب فەرمانا بافل تالەبانی هاتە شەهیدكرن.
ڕۆژا 7/10/2022، ب ڕێیا بۆمبەكێ، عەقید هاوکار جاف، ئەفسەر ل هێزێن جڤاتا ئاسایشا هەرێما کوردستانێ ل تاخێ سەربەستی یێ باژێڕێ هەولێرێ هاتە شەهیدکرن و چەند ئەندامێن خێزانا وی ژی برینداربوون.
پشتی ڤەكۆلینان، ئاشكەرابوو ئەو كارە ژلایێ دژەتیرۆرا ئێكەتییێ ڤە ب فەرمانا بافل تالەبانی هاتیەكرن، ل دویڤ دانپێدانا تاوانبارێن وێ ڕویدانێ، دیاربوو وەهاب هەلەبجەیی، بەرپرسێ دژەتیرۆرا سلێمانییێ و كارزان محەمەد رەشید، بەرپرسێ هەوالگرییا دژەتیرۆرا سلێمانییێ سەرپەرشتییا جێبەجێكرنا پلانا تیرۆركرنا هاوكار جاف كریە.
ئەو تاوانە ب هاریكاری و پشكدارییا هەرئێك ژ لوئەی محەمەد رەزا، فەرماندێ فەوجا دژەتیرۆرا گەرمیان و عاسی رەشید حوسێن، كارمەندێ دژەتیرۆرێ ل سلێمانیێ و دلشاد زیاد ئەحمەد، ئەفسەرێ دژەتیرۆرێ ل سلێمانیێ و وریا خالد عەلی، كارمەندێ دژەتیرۆرێ ل سلێمانیێ هاتەكرن.
Like this:
Like Loading...
