<h3 style="text-align: justify;"><span style="font-size: 18pt;">شیلان نهێلى ڕێڤهبهرا ئۆفیسا دهۆك یا دهزگههێ گشتییێ كاروبارێن مینان بۆ ئاژانسا خانى دیاركر، ئهو پێدڤى ب هاریكارییا لۆجستینه داكو كارێ خۆ دروستى بكهن، ئهوان تیمهك ل ئامێدییێ ههیه، لێ ژبهر نهبوونا شیانان ئهو تیمه هاتییه ڕاوهستاندن و دنوكهدا كار ناكهت، ئهوان چهند ترۆمبێلێن مودێلێن كهڤن ههنه كو مهرجێن سلامهتییێ ژى تێدا نینن، لێ ب نهچارى كارێ خۆ پێ دكهن، ب گشتى ئهو پێدڤى ب 15 ترۆمبێلێن نوونه داكو كارێ خۆ ب دروستى بكهن.</span> <span style="font-size: 18pt;">ههروهسا گوت: نوكه پارێزگهها دهۆكێ و ڕێكخراوهكا بیانى هاریكارییا وان دكهن، ئهگهر ئهڤ هاریكارییه هاتنه ڕاوهستاندن، ئهو نهشێن كارێ خۆ بكهن، دێ ب تنێ شێن تیمهكێ یان دوو تیمان ژ ههر شهش تیمێن خۆ ل سنوورێ پارێزگهها دهۆكێ ههموویێ دهنه كارى، ئهڤهژى دێ كارتێكرنێ ل پرۆسهیا ڕاكرنا مینان كهت.</span> <span style="font-size: 18pt;">سهبارهت كارێ ل ڤێ دووماهییێ هاتییه كرن ئاشكراكر، دنوكهدا ئهو ل مانگێشكێ، سپیندارێ كار دكهن، نێزیكى 400 هزار میتران ژ مینان یاقژكرینه، ههروهسا پتر ژ 100 هزار میترێن دووجا یێن ناحییا زاویته ژ مینان هاتینه پاقژكرن و 58 مینێن ژ جۆرێ ڤالمارا ل وێرێ هاتینه ڕاكرن، ل حهفتییا بهێت دێ تیمێن خۆ ل دهڤهرا بێمكا یا زاخۆ بدهنه كارى.</span></h3>
