<h2>ناتوانن، بۆچی ناتوانن؟</h2> <h2>کاوار نێروەیی</h2> <h2>"ناتوانن" - ئەڤ پەیڤە لسەر زمانێ جەنابێ “مەسرور بارزانی” دا، دەنگڤەدانا هەزاران سالێن خوڕاگرتنێیە. وەکی گرگانەکا هلچووی، هێز و شیانێن نەتەوەیەکا زیندی و نەمرە…</h2> <h2>"ناتوانن" مە بشکێنن! چونکی ئەم کوڕ و کچێن شۆڕەشێی نە، ئەم زاڕۆکێن چیاو دول و نهالێن وەلاتێ ئاگر و رۆژێی نە. ئەڤ پەیڤە، سنۆرەکێ کونکرێتی و پۆلاینی یە، پەرجانێ ماف و ئازادیێن گەلێ کوردستانێ یە.</h2> <h2>ژ لایێ ئەمنی ڤە، "ناتوانن" سۆزا پێشمەرگەیێن قارەمانە، یێم کو ب خوینا خۆ سنۆرێ نیشتیمانی دپارێزن. ئەڤ پەیڤە، هشیارکرنەکە بۆ هەر دەستدرێژکارەکێ، کو د خەیالا خودا هزر د هەرەشەکرنا ئاسایشا هەرێمێ دا بکەت.</h2> <h2>د وارێ ئاڤەدانکرنێ دا، "ناتوانن" ئاستەنگەکە ل بەر گەندەلی و پاشڤەمانێ. ئەڤ پەیڤە گازیەکە بۆ ئاڤاکرنا کوردستانەکا بهێز و پێشکەفتی.</h2> <h2>“ ناتوانن” پێشیا گەشەسەندنا ئابۆریا مە بگرن، ناتوانن خەونا گەنج و لاوێن مە، ژبۆ پاشەرۆژەکا گەشتر بدزن.</h2> <h2>"ناتوانن" هەوارا نفشەکێیە کو بڕیار دایە ببنە خودانێ چارەنڤیسا خۆ. ئەڤ پەیڤە، درۆشمێ سەربەخۆیی و سەروەرییێ یە، کو ل هەمی کۆلان و شەقامێن کوردستانێ دەنگڤە ددەت.</h2> <h2>ل دووماهێی من دڤێت بێژم، "ناتوانن"ـا برا گەورەییێ هیڤی بەخش، نە بتنێ پەیڤەکە، بەلکو فەلسەفا بەردەوامی و سەرکەفتنێ یە. ئەڤە، پەیمانەکە کو کوردستان، ب سەرکردایەتیەکا حەکیم و شەهرەزا و گەلەکێ ئێکگرتی، بەرەڤ لۆتکا سەرفرازی و سەربەستیێ پێنگاڤا د هاڤێژیت، چ هێزەک نەشێت پێشیا ڤێ ڕێڕەوا دیرۆکی بگریت.</h2> <h2>نەخێر، نەخێر، بخودێ هوین ناتوانن…</h2>
