وەزارەتا دارایی و ئابووری یا حکومەتا هەرێما کوردستانێ ڕاگههاندنهك ل دۆر پارهیێ هنارتى بۆ بهلاڤكرنا مووچەیى بهلاڤكر و ب چەند خالان هویركاری ڕوونكرن؛
1-دوهی ڕۆژا دووشەمبی، كۆژمێ 329 ملیار و 392 ملیۆن دیناران وەك شایستەیێ مووچەیێ هەیڤا ئەیلوولی یێن هێزێن ئێمناهییێ ئێخستە سەر هژمارا بانکییا وەزارەتا دارایی و ئابووری ل لقێ هەولێرێ.
2-كۆژمێ تهمویلامای ل بهر دهستێ وهزارهتا دارایی یا ههرێما كوردستانێ پشتى پڕكرنا كورتهێنانا مووچهیێ هەیڤا هەشت پێكدهێت ژ 361 ملیار دیناران.
3-سەرجەمێ گشتییێ وى پارهیێ نوكه ل بهر دهستێن وهزارهتا دارایى یا ههرێما كوردستانێ بۆ مووچهیێ هەیڤا نەهـ، 690 ملیار و 392 ملیۆن دینارن و نێزیكى 305 ملیار دیناران كورتهێنان بۆ بەلاڤكرنا مووچهیێ هەیڤا نەهـ ههیه.
4-ل سهر بنهمایێ وان سۆز و لێكتێگههشتنێن دناڤبهرا وهزارهتا دارایى یا حكومهتا فیدرالى یا ب شاندێ تهكنیكى یێ وهزارهتا دارایى و ئابوورى یا ههرێما كوردستانێ داین، د ڤان چهند رۆژهكان دا هەمی ئهو لێبڕین بهێنه خهرجكرن كو ژ مووچهیێ هەیڤێن بووری هاتبوونە برین، هەتا كورتهێنانا مووچهیێ هەیڤا ئەیلوولێ پێ بهێته پڕكرن.
5- ل هەیڤا تیرمههێ مووچهیێ خانهنشینێن ههرێمێ هەروەك یێن عیراقێ هاتنه كرن، ئهو تهمویلا كو بۆ مووچهیێ خانهنشینان هاتییه زێدهكرن كۆژمهیێ هەیڤانە نێزیكى 45 ملیار دینارایه، هەمی ژ داهاتێ ناڤخۆ یێ ههرێما كوردستانێ هاتییه دابینكرن، سەرەڕای پێكئینانا لژنەكا ههڤپشك دناڤبهرا ههرێم و بهغدایێ دا و ئهنجامدانا چهندین كۆمبوونان بهلێ هێشتا ژ ئالییێ وهزارهتا دارایى و ئابوورى یا عیراقێ ڤه چ تهمویلهك بۆ هەروەك مووچهیێ خانهنشینان نههاتییه خهرجكرن.
6-زێدهتر ژ هەیڤەكێ یه نڤیسارا ڤهگوهاستنا پارهیى د برگهیا تهرخانكری یا خهرجییێن كاربرنێ بۆ بڕگهیا تهرخانكرنێ یا چاڤدێرییا جڤاكى و خانهنشینێن ل پشكا هەرێما كوردستانێ ژ وهزارهتا دارایى یا عیراقێ هەتا بشێن تهرخانكریا دارایى بۆ هاوتاكرنا مووچهیێ خانهنشینان بهێته دهستهبهر كرن، بهلێ هێشتا ژ لایێ وهزارهتا دارایى یا عیراقێ ڤه كار ل سهر نههاتییهكرن.
7-وهك وهزارهتا دارایى و ئابوورى چاڤهڕێنه د دهمهكێ نێزیكدا كۆژمێ تهمام بۆ مووچهیێ هەیڤا نەهـ ژ لایێ وهزارهتا دارایى یا حكومهتا فیدرالى ڤه بهێته خهرجكرن بۆ هندێ ڕاستهوخۆ دهست ب بهلاڤكرنا مووچهیێ هەیڤا نەهـ بهێتهكرن.
Like this:
Like Loading...
