لژنا دارایی یا جڤاتا نوونەرێن عیراقێ ب سەرۆکاتییا عەتوان عەتوانی ئەڤرۆ ب ئامادەبوونا تەیف سامی، وەزیرا دارایی یا عیراقێ و بەرپرسێن پەیوەندیدار کۆمبوو.
د كۆمبوونێدا دانوستاندن ل سەر سیاسەتا دارایی و چاوانیا دابینکرنا بودجەیا فیدرالی کر، گرنگیا زێدەکرنا داهاتێن نە-نەفتی و کێمکرنا کورتهێنانا دارایی هاتە دیارکرن، هەروەسا بەحس ل گرنگییا چاڤدێریکرنا داهاتان و دانانا پلانان بۆ زێدەکرنا وان هاتە كرن.
تەیف سامی، وەزیرا دارایی یا عیراقێ شرۆڤەیەك ل سەر خشتەیێن بودجێ و داهاتێن نە-نەفتی پێشکێش کر. لژنا دارایی هەروەسا بەحس ل داهاتێن نەفتا هەرێما کوردستانێ و میکانیزما ڤەگوهاستنا وێ بۆ حکومەتا ناڤەندی کر.
