ئه‌ڤرۆ دوشه‌مبی” نێچيرڤان بارزانى سه‌رۆكێ هه‌رێما كوردستانێ د كۆمبوونه‌كێ دا ل گه‌ل ئه‌ليسيا ڕيكۆ پێرێز دێل پولگار باليۆزا نوو یا ئيسپانيا ل عێراقێ، زێده‌بارى پيرۆزباهییا بۆ ده‌ستبكاربوونا وێ، هه‌موو پشتگيرييه‌ك بۆ سه‌رخستنا ئه‌ركێ وێ ده‌ربڕى، هه‌روه‌سا خواستا هه‌رێما كوردستانێ بۆ پێشڤه‌برنا په‌يوه‌ندييان ل گه‌ل ئيسپانيا دوپاتكر.
ژلایێ خۆڤه” دێل پولگار خۆشحاڵيیا خۆ بۆ ده‌ستبكاربوونێ نيشان دا و گۆت: وه‌لاتێ وێ ب گرنگڤه به‌رێ خۆ دده‌ته په‌يوه‌ندييێن وان ل گه‌ل عێراقێ و هه‌رێما كوردستانێ، بۆ ڤێ مه‌به‌ستێ كارد‌كه‌ن بۆ به‌رفره‌هكرنا
هاريكاريیا هه‌ڤپشك یا دناڤبه‌را وان دا د هه‌موو بیاڤان دا، ب تايبه‌تی ئه‌و كه‌رت و بیاڤێن بۆ هه‌ردو ئالیان دگرنگ.
هه‌لبژارتنێن په‌رله‌مانێ کوردستانێ و ئه‌نجامێن وێ، په‌یوه‌ندییێن هه‌ولێر – به‌غدا، داوی پێشهاتێن ره‌وشا ئالۆزا رۆژهه‌لاتا ناڤین و هێرش و مه‌ترسييێن وێ ل سه‌ر ئارامى و سه‌قامگيريیا ده‌ڤه‌رێ، ته‌وه‌ره‌كێ دیترێ وێ كۆمبوونێ بوو.
