مەسرور بارزانى، سهرۆكێ حکومەتا ههرێما كوردستانێ پێشوازی ل ئەلینا ڕۆمانوسكی، بالیۆزا ئهمريكا ل عیراقێ كر.
تەوەرێ سەرەکییێ دانوستاندنێ یێ تایبەت بوو ب ڕێکار و ئامادەکارییێن پێكئینانا کابینەیا نوی یا حکومەتا هەرێما کوردستانێ. هەردوولا د هەڤڕابوون ل سەر گرنگییا لێكتێگەهشتنا لایەنێن سیاسی بۆ پێكئینانا کابینەیا نوی د زویترین دەمدا، بۆ هندێ درێژی ب کار و پرۆژەیێن خزمەتگوزاری بهێتە دان و خزمەتا وەلاتی و پێکهاتەیێن هەرێما کوردستانێ بهێتەكرن. سەرۆکێ حکومەتێ ژی دووپات كر كو پێدڤییە پێكئینانا حکومەتێ ل سەر بنەمایێ دەنگێن لایەنێن سیاسی و ب هێز و ئێكگرتی بیت.
د تەوەرەكێ دی یێ كۆمبوونێدا، دانوستاندن ل دۆر شەڕ و ئالۆزییێن ڕۆژهەلاتا ناڤەڕاست هاتە کرن. هەردوولا د هەڤڕابوون ل سەر پاراستنا ئاسایش و سەقامگیرییا دەڤەرێ و دویرئێخستنا لێكەڤتێن شەڕی و ئالۆزییێن ل سەر عیراقێ و هەرێما کوردستانێ.
