ئیران رۆلێ حکومەتا هەرێما کوردستانێ د بجهئینانا رێککەڤتنناما ئەمنی دا بلند د نرخینیت

ئەمیندارێ گشتییێ جڤاتا نیشتمانییا ئیرانێ ڕۆلێ حکومەتا هەرێما کوردستانێ و حکومەتا عێراقێ بلند د نرخینیت د بجهئینانا ڕێککەڤتنناما ئەمنی یا دناڤبه‌را هەردو وه‌لاتان دا.

شیره‌تكارێ ئاسایشا نیشتمانییا عێراقی قاسم ئەعرەجی و شاندێ ل گه‌ل دا كو ڕێبەر ئەحمەد، وەزیرێ ناڤخۆیێ حکومەتا هەرێما کوردستانێ ژی ل گەڵە، ئه‌ڤرۆ دوشەمبی ل ته‌هرانێ ل گەڵ ئەمینداری گشتییێ جڤاتا نیشتمانییا ئیرانی عەلی ئەکبەر ئەحمەدیان کۆمبوون.

ئه‌ڤرۆ دوشەمبی 11 ی چریا دووێ ر2024 ێ، نڤێسینگەها ڕاگەهاندنا شیره‌تکارێ ئاسایشا نیشتمانییا عێراقێ به‌لاڤكرییه‌، د کۆمبوونەكێدا لایەنێن ڕێککەڤتنا ئەمنی دناڤبه‌را هەردو وه‌لاتان و هوورکارییێن بجهئینانا ئەوێ ڕێککەڤتنێ هاتنه‌ به‌حسكرن.