سەرۆکێ حکومەتا هەرێما کوردستانێ و بالیۆزێ فەرەنسا ل عیراقێ کۆمبوون، هەردوو لا هەڤڕابوون ل سەر گرنگییا پێکئینانا حکومەتەکا ئێکگرتی و بهێز د زویترین دەم دا، ژ پێخەمەت خزمەتکرنا وەلاتییێن هەرەێما کوردستانێ و بەرهەنگاربوونا گۆهڕین و پێشهات و بەربەستێن دەڤەرێ و جیهانێ.
ئەڤرۆ سێشەمبی 12 چریا دووێ 2024، مەسرور بارزانی، سەرۆکێ حکومەتا هەرێما کوردستانێ پێشوازی ل پاتریک دۆرێل، بالیۆزێ فەڕەنسا ل عیراقێ کر.
بالیۆزێ فەڕەنسا پیرۆزباهییا سەرکەڤتنا پڕۆسەیا هەلبژارتن و ئەنجامێن وێ ل سەرۆکێ حکومەتێ کر، هەڤدەم هەردوولا هەڤڕابوون ل سەر گرنگییا پێکئینانا حکومەتەکا ئێکگرتی و بهێز د نێزیکترین دەمدا، ژ پێخەمەت خزمەتکرنا وەلاتییێن هەرێما کوردستانێ و بەرهەنگاربوونا گۆهڕین و پێشهات و بەربەستێن دەڤەرێ و جیهانێ.
