به‌هینامه‌ك ژ‌ سه‌رۆكێ هه‌رێما كوردستانێ

نێچیرڤان بارزانی” سه‌رۆكێ هه‌رێما كوردستانێ به‌هینامه‌ك به‌لاڤكر و ئه‌ڤه‌ ده‌قێ وێ یه‌:

به‌هی‌ و سه‌ره‌خۆشيیێن كوور ئاراسته‌یی خێزان و كه‌سوكارێن شه‌هيدێن ئه‌ڤرۆ یێن كریارا‌ تيرۆرستییا سنوورێ خورماتوو د‌كه‌م كو‌ ل ده‌مێ ئه‌ركیدا و ژ‌ ئه‌نجامێ ته‌قينا بۆمبه‌كا چاندی ب ترۆمبێلا ليوايه‌كا هه‌ڤپشكا پێشمه‌رگه‌یی‌ و سوپاىێ عێراقێدا‌، سێ پله‌دار شه‌هيد بوون. ژ‌ خودایێ مه‌زن دخوازم گيانێ وان ب‌ دلۆڤانی و ميهره‌بانيیا خۆ شاد بكه‌ت و ئارامى و دلرحه‌تییێ بده‌ته‌‌ هه‌موویان.

هه‌ڤسۆز و هه‌ڤخه‌مێن واینه‌ و هيڤییا سلامه‌تى و زوو باشبوونێ‌ بۆ برينداران دخوازين.

ئه‌ڤ كریارا تيرۆریستی‌ هندێ د سه‌لمینیت كو‌ تيرۆر هێشتا مه‌ترسييه‌كا ڕاسته‌قينه‌يه‌ و گه‌فه‌ ل سه‌ر ئارامى و سه‌قامگيريىا عێراقێ و هه‌رێما كوردستانێ و ده‌ڤه‌رێ‌ ب ‌گشتى و سه‌ر و مالێ وه‌لاتییان ب ‌تايبه‌تى ل‌ ده‌ڤه‌رێن مادێ 140″ له‌وما ته‌كه‌زییێ ل سه‌ر به‌رده‌وامى و ب هێزكرنا زێده‌ترا هه‌ماهه‌نگى و هاريكاريىا هه‌ڤپشكا پێشمه‌رگه‌یی‌ و سوپاىێ عێراقێ و هێزێن هه‌ڤپه‌يمانان بۆ به‌رهنگاربوون و تێكشكاندنا تيرۆریستان دكه‌ين.

نێچيرڤان بارزانى
سه‌رۆكێ هه‌رێما كوردستانێ