ل دویڤ بڕیارەکا رێڤەبەریا گشتی یا خانەنشینیێ یا هەرێما کوردستانێ، ئەو فەرمانبەرێن بەری ساڵا 2020 هاتینە دوورخستن و ژیێ وان د سەر 50 سالییێ دا، دشێن داخوازا خانەنشینیێ بکەن. ئێکەتیا خانەنشینێن کوردستانێ ژی رادگەهینیت، “ئەوێن نەخۆشیێن گران و درێژ خایەن هەین، دشێن ب دلخوازی خوە خانەنشین بکەن.”
ل گۆر گشتاندنەکا رێڤەبەرێ خانەنشینیا سلێمانیێ، یا کو بۆ پارێزگەهێ سلێمانیێ هاتیە هنارتن، هەر فەرمانبەرەک داخوازا خانەنشینبوونێ بکەت، دڤێت:
– ژیێ وی ژ 50 ساڵان زێدەتر بیت و 15 سال خزمەت هەبیت
– یان ژی ئەوێن ژیێ وان ژ 45 ساڵان زێدەتر، دڤێت 25 سال خزمەت هەبن
گشتاندن ب ئیمزا ژیان سابر، رێڤەبەرێ گشتی یێ خانەنشینیا سلێمانیێ ل 17-11-2024 دەرچوویە، و دیار دکەت کو:
– ئەو فەرمانبەرێن بەری 01-01-2020 هاتینە دوورخستن یان دەست ژ کاری بەردای و ژیێ وان د سەر 50 سالییێ دا و 20 سال خزمەت هەین، دشێن ببنە خانەنشین
– هەروەسا ئەوێن بەری هەمان دەمی هاتینە دوورخستن یان دەست ژ کاری بەردای و ژیێ وان د سەر 45 سالییێ دا و 25 سال خزمەت هەین، ب هەمان شێوە دشێن داخوازا خانەنشینیێ بکەن
