سەگڤان سندی، ئەندامێ لژنا ئاسایش و بەرەڤانییێ ل پەرلەمانێ عیراقێ بۆ ئاژانسا خانی ڕاگەهاند، ل دووڤ نڤیسارەكا نڤیسینگەها فەرماندەیا گشتییا هێزێن چەكدار یێن عیراقێ كو ئاراستەی وەزارەتا ناڤخۆیا عیراقێ هاتییەكرن، ل سەر بڕیارا سەرۆكوەزیرێن عیراقی، پارچەیێن ئەردی دێ ل سەر هێزێن زێرەڤانێن سنووری هێنە بەلاڤكرن.
گوت ژی، ئەڤ بڕیارە ژ زێرەڤانێن سنووری یێن كوردستانێ ڤەناگریت، ژبەركو ئەو نەشیاینە چ جهان بۆ دەستنیشان بكەن و ب تنێ زێرەڤانێن سنووری یێن عیراقێ دێ ژ ئەڤێ بڕیارێ مفادار بن.
