فلمێن چ!

شیان مەهدی کانیسارکی:

دێ بۆچی هزرا کوردا یا بەری 100 سالان کەیە هزرا سەرەکی یا فلمەکی؟ چونکی تۆ ب ڤێ ڕێکێ یێ هزرا کوردان یا بەری چەرخەکی بۆ خەلکەکێ بیانی ددەیە دیارکرن و دبێژیێ ( تەماشە بکەن ئەم کورد هەتا نوکەژی یێ لسەر ڤێ هزرا شاش) من گۆتژی شاش ژبەرکو ئەڤ فلمێن هەتا نوکە هاتینە بەرهەم ئینان، لسەر هزر و مێژوویا کوردان یا بەری نوکە، ب تنێ فوکسا خوە یا دانەیە سەر هزروبیرێن تاکێ کورد یێن نەرێنیێن وی سەردەمی، کەسێ هندێ مه کوردان بیرێن باش نەبووینە و کەلتوور و دابونەریتێن جوان هەمی یێ ژ دەف مە بەربەلاڤی جیهانێ بووین چونکی کوردستان ب لاندکا دووێ یا مرۆڤان دهێتە ل قەلەمدان. کەسێ مینا کوردان کەسێن جوامێر، چەلەنگ و سیاسی و هزرمەند نەبووینە. مە گەلەک نموونێن ب هێز یێن هەین” کورێ خەلەکانی، مەلایێ جزیری، ئەحمەدێ خانی، فەقیێ تەیران، مستەفا بارزانی، عوبێداللە نەهری، شێخ سعیدێ پیران، سەلاحەددینێ ئەیۆبی، قازی محەمەد، لەیلا قاسم، عەریف حەمید بەرواری”ئەلهویێ گەرمیان”، مەلا ڕەمەزان قومری، عەمەرێ لەعلێ، ئەردەوان زاخویی.. هتد” ئەز یێ پشتڕاستم هەوە ژنوی گۆهـ ل ناڤێ هندەکان ژ ڤان بوون، ب هزاران کەسانێن دی کو بابەتێن جیاواز و جودا جودا دێ ژێ بەرهەم هێن. ئەرێ کا سینەمایێ خۆ ل کیژکی ژ ڤان کرە خۆدان؟ ژیانا کێ کرییە فلمەکێ ڕێکوپێک؟ هەتا ڤێ خولەکێ ژی فلم و کۆرتەفلم یێن دهێتە چێکرن لسەر بابەتێن سەرێ خەلکێ پێڤە گێژ بوو، دێ کەنگی دەستا ژ ” کوشتنا ژنێ، ژن بابێ، مافێ ژنان، پێکگهۆڕکانێ، خویداری..هتد” ڕاستە دبیت ئەڤە ل هندەک جهان مابن، لێ دەستا ژێ بەردەن و بۆ خەلکەکی دیار بکەن کۆ ئێدی کورد ژی هزردکەن و ئەوژی خودان سمبولن، ئەڤێ تۆ هند بۆ من باس ل مافێ ژنێ دکەی، هەڕە فلمەکی لسەر (مەریەم خانا ئورمانی) چێکە، یان ژنوو تە ناڤێ وێ گۆهـ لێ بوو؟. گەلەک ڕاستە ژی مللەتێ کورد هەردەم یێ بوویە هەڤالجێمک دگەل نەخۆشیان و ئەو و دەربەدەری و ئاوارەبوون دوو هەڤالێن رۆح ب ڕۆح بوون، لێ یا ژمن ڤە تێرا وێ چەندێ تشت یێ هاتییە وێنەکرن خەلکێ ژ دەرڤە بزانن، بلا ئێدی چاڤێ خۆ بدەین تشت و هزرێن باش ژی، نەیا جوانە ب تنێ دا ئێکا هند ژ خەلکێ وەلاتەکێ دێ چێکەم بۆ من بکەنە گری ڕابم دیرۆکا خۆ ژ قولاچکەکا ئاسێ نیشا بدەم، هیڤیا ژ کەسێ نەکەن بۆ هەوە بکەن گری.