پێنج شەمبی، 02-01-2024، وەزارەتا دارایی و ئابووری یا حکومەتا هەرێما کوردستانێ راگەهاندنەک بەلاڤ کر و تێدا راگەهاند: سەرەڕای مافێ دەستووری و هەبوونا یاسایا بودجێ و بڕیارا دادگەها فیدرالییا عیراقێ بۆ خەرجکرنا موچێن کارمەندێن هەرێما کوردستانێ هەروەکی مووچەخۆرێن دی یێن عیراقێ و دەرئێخستنا وان ژ هەر ئاریشە و ئاستەنگەکا دی، هەروەسا هەبوونا تەرخانکرنێن پێدڤی د خشتەیێن یاسایا بودجێ دا بەرامبەر وێ تەمویلا کو وەزارەتا دارایییا عیراقێ هنارتی و رێککەڤتنا دناڤبەرا هەردوو حکومەتێن هەرێم و حکومەتا فیدرال دا بۆ خەرجکرنا تەمامەتییا موچێن کارمەندان هەتا دووماهییا سالا (2024)ێ، بەلێ حکومەتا فیدرال پێشێلکرنا مافێن دەستووری یێن خەلکێ هەرێما کوردستانێ دکەت و ئامادە نینە شایستەیێن دارایی یێن هەرێما کوردستانێ وەکی خۆ ب هنێریت.
