پشتی بڕیارا جڤاتا وەزیران، فەرمانا دابینكرنا پارچێن ئەردی بۆ نه‌هـ هزار و 165 ئەفسەر و پلەدار و پێشمەرگەیان دەرچوویە.
وەزارەتا پێشمەرگەی ڕاگەهاندنەك بەلاڤكر و دیاركر، ل دووڤ ڕێنماییێن ژمارە دوو یا سالا 2024ـێ یێن تایبەت ب به‌لاڤكرنا پارچێن ئەردی، وەزارەتا پێشمەرگەی د گەڕا دووێ یا ڤێ پرۆسێدا ژ سه‌رجه‌مێ وان 18 هزار و 879 ناڤێن کو ب دوو پشكا بۆ وەزارەتا باژێرڤانییێ هاتینه هنارتن، فەرمانا دابینكرنا پارچێن ئەردی بۆ نه‌هـ هزار و 165 ئەفسەر و پلەدار و پێشمەرگەیان دەرچوویە، ل دووڤ ڤێ خشتێ ل خوارێ:
– 114 كه‌س ل سنوورێ ئیدارا سەربەخۆ یا زاخۆ
– 18 كه‌س ل سنوورێ پارێزگەها هەلەبجە
– 490 كه‌س ل سنوورێ ئیدارا سەربەخۆ یا ڕاپەرین
– 627 كه‌س ل سنوورێ پارێزگەها سلێمانییێ
– سێ هزار و 899 كه‌س ل سنوورێ پارێزگەها هەولێرێ
– دوو هزار و 413 كه‌س ل سنوورێ پارێزگەها دهۆکێ
– 48 كه‌س ل سنوورێ ئیدارا سەربەخۆ یا گەرمیان
– هزار و 544 كه‌س ل سنوورێ ئیدارا سەربەخۆ یا سۆران
