وەزارەتا پلاندانانا عیراقێ ڕاگەهاند، سوبەهی دووماهی ئەنجامێن سەرژمێرییا گشتییا ئاكنجییێن عیراقێ و هەرێما کوردستانێ، دێ هێنە ڕاگەهاند.
عەبدولزەهر هینداوی، پەیڤدارێ وەزارەتا پلاندانانا عیراقێ دیار ژی كر، سوبەهی د کۆنگرەکێ ڕۆژنامەڤانیدا كو نوونەرێ سکرتێرێ گشتییێ نەتەوێن ئێکگرتی ل عیراقێ و چەندین بەرپرسێن دی دێ ئامادەبن، ب فەرمی ئەنجامێن سەرژمێرییا گشتییا ئاكنجییان دێ هێنە ڕاگەهاندن.
ڕۆژا 25-11-2024 محەمەد شیاع سوودانى، سەرۆکوەزیرێن عیراقێ د کۆنفڕانسەکێ ڕۆژنامەڤانیدا ئەنجامێن دەستپێكی یێن سەرژمێرییا گشتی ڕاگەهاندن، ل دووڤ وان ئەنجامان، ژمارا ئاكنجییێن عیراقێ و هەرێما کوردستانێ 45 ملیۆن و 407 هزار و 895 کەسە، ئەو ژمارە بیانی و پەنابەران ژی ڤەدگریت.
