ئهڤرۆ دوشهمبی 2025/3/10 ێ” نێچيرڤان بارزانى، سهرۆكێ ههرێما كوردستانێ، د ديدارەكێ دا ل ههولێرێ ل گهل مهحموود ئۆزديل، سهرۆكێ دهزگەهێ مهعاريف یێ توركى و شاندێ ل گەلدا، بەحسێ كار و چالاكييێن دهزگەهێ مهعاريف ل عێراقێ و ههرێما كوردستانێ كر.
نێچيرڤان بارزانى، زێدەباری پيرۆزباهییێ بۆ دهستبكاربوون وهكو سهرۆكێ وی دهزگەهی، هیڤییا سهركهفتنێ بۆ ئۆزديل خواست و ههموو هاریكارى و پشتەڤانی بۆ سهرخستنا كار و پرۆژێن دهزگەهێ مهعاريف یێ توركى ل ههرێما كوردستانێ دوپاتكر، ههروهسا ئاماژه ب دەلیڤێن هاريكاريیا هەڤپشك و مفا وهرگرتن ژ ئهزموونێن سهركهفتى یێن توركيا د بیاڤێ خواندن و پهروهردێدا كر.
سهرۆكێ دهزگەهێ مهعاريف سوپاس و پێزانين بۆ پشتەڤانی و هاريكاريیا لايهنێن پهيوهنديدار یێن ههرێما كوردستانێ ل گهل وی دهزگەهی دا دهربڕى و بەحسێ قوتابخانێن سهر ب وی دهزگەهیڤە ل بهغدا و ههولێرێ كر، ههروهسا خواستا وی دهزگەهی بۆ پێشڤەبرن و هاريكارییێ ل گهل دهزگەهێن پهيوهنديدار و هەڤشێوێن وێ ل ههرێما كوردستانێ دهربڕى. هەروەسا ستايشا ڕۆلێ دهزگەهێ ڕوانگه د بیاڤێ خواندن و پهروهردێ دا كر و ئامادهييا وی دهزگەهی بۆ هاريكاريیا هەڤپشك دناڤبەرا ههردو ئالیان دا دوپاتكر.
دیسا تەكەزی ل سەر گرنگيیا كوالێتيیا خواندن و بلندكرنا ئاستێ پهروهردێ، تهوهرەكێ ديتر یێ وێ ديدارێ بوو.
