زێدەتر ژ سەدیەکێ یە گەلێ کورد ل دژی ئینکار و ستەم و ئاسمیلەکرنێ خەباتێ دکەت ،سنور ژ بۆ نەهێلانا نەتەوەیەکی هاتنە کێشان، بەلێ نەشیان ڕۆحا کورد ژناف ببەن خۆڕاگریا دەهان سالا چ ئاشتیانە و چ چەکداری دانپێدانا نیڤدەولەتی بو دۆزا کوردی بدەستڤە ئینا ،ئەم ئێدی گەلەکێ ژبیرکری نینین جیهان خەباتا مە دزانیت.
سەرەرای قوربانیدانان سەرەرای قارەمانیەتیا ئەوێن ژ پێخهمهت ئازادیێ خەباتکرین، پرسا کوردی ب چارەسەرنەکری مایە ل تورکیا سیاسەتا سەرکوتکرنێ یا بەردەوامە و سەرکردێن سیاسی و چالاکڤان و ڕەوشەنبیر ڕووبروو زیندانێ دبن.
ل سووریا گەلێ کورد سیستەمەکێ ئوتونۆمی ل سەر بنەمایێ دیموکراسی و یەکسانی و جێندەری و خۆ ب ڕێڤهبرنێ دامەزراندیە، بەلێ ئەڤ ئازادیە ب سەختی یا ب دەستڤەئینای، هەر دێ ل ژێر هەرەشەیان مینیت، هەر ژبەر شەرێن دەرەکی و هەر ژبەر ململانێیا دەستهەلاتا جیهانی کو وەک موزایدەیەکێ سەرەدەریێ دگەل مافێن کوردان دکەن .
ل ئیراقێ هەرێما کوردستانێ دانپێدانەکا فەرمی بدەستڤە ئینایە، بەلێ دابەشبوونێن ناڤخۆی و فشارێن ئابووری هەرەشێ ل سەقامگیریا هەرێمێ دکەن، د دەمەکیدا هێزن ناڤچەیێ د بەردەوامن د بەرتەنگکرنا سنوورێن هەرێما کوردستانێ .
ل ئیرانێ پێکهاتێن کوردی بەردەوامن ل ڕووبروو و سەرکوتکرنێن توند، دەنگێ وان کەسێن داخازا ئازادیێ دکەن ڕووبروو سێدارەدان و زیندانان دبن، دگەل ڤێ چەندێ ژی داخازکرنا دادپەروەریێ یا بەردەوامە .
کەواتە ئەڤرۆ پرسا کوردی ل کیش قوناغێ ڕاوەستایە؟
