پشتی حەفت سالان، پارتی دیموكراتی كوردستان ڤەگەریا باژێرێ كەركووكێ، بارەگایێ مەكتەبا ڕێكخستنێ لێ ڤەكر، چاڤدێر و شرۆڤەكارێن سیاسی دبێژین، ئەڤ ڤەگەریانە دێ گەلەك یا مفادار بیت و لایەنێن كوردی ل وی باژێری ب هێزئێخیت.
د. سەردار ڕەمەزان ئەترووشی شرۆڤەكارێ سیاسی بۆ ئاژانسا خانی دیاركر، ڤەگەریانا پارتی بۆ كەركووكێ، دێ بیتە ئەگەرێ ب هێزبوونا لایەنێن كوردی ل سەر ئاستێ سیاسی یێ وی باژێری و دانانا پارێزگاری و ڕێڤەبەرێن قەزا و ناحییێن سەر ب پارێزگەهێڤە، هەروەسا دێ بیتە هاریكار بۆ چارەسەركرنا ئاریشەیێن دگەل بەغدا ب تایبەتی ئاریشەیێن گرێدای بابەتێن دەستووری و بودجەی.
ئاماژە ب هندێ ژی دا، پشتی چەند هەیڤێن بهێن هەلبژارتنێن پەرلەمانێ عیراقێ دێ هێنەكرن، ڤەگەریانا پارتی بۆ كەركووكێ دڤی دەمیدا و بەری هەلبژارتنان گەلەك یا گرنگە، هەروەسا پرۆسەیا پێكڤە ژیانێ ل ڤی باژێری دێ ب هێزكەڤیت و مافێن كەمینەیان پتر هێنە پاراستن.
