نێچيرڤان بارزانى سه‌رۆكێ هه‌رێما كوردستانێ په‌یامه‌كا پيرۆزباهییێ به‌لاڤكر.
ده‌قێ په‌یاما سه‌رۆكێ هه‌رێما كوردستانێ؛
جه‌ژنا سه‌رسالا ئێزدييان، ل هه‌موو وه‌لاتیيێن مه يێن ئێزدى ل كوردستانێ و ل جيهانێ، ب گه‌رمى و ژ دل پيرۆز دكه‌م، هيڤيدارم جه‌ژنه‌كا ئارام و ته‌نا ده‌رباز بكه‌ن و هه‌رسال هه‌موو جه‌ژن و هه‌لكه‌ڤتێن وان و هه‌موو كوردستانييان، ب خێر و خۆشى ڤه‌گه‌ڕن.
د ڤێ جه‌ژنێدا جاره‌كا دى هه‌موو خوشك و برايێن ئێزدى پشتڕاست دكه‌ين كو وه‌ك هه‌رده‌م دێ پشته‌ڤان و پارێزه‌رێن ماف و داخوازێن ڕه‌وا يێن وان و هه‌موو پێكهاته‌يێن كوردستانێ بين. هه‌رێما كوردستانێ بۆ هه‌موويان دێ هه‌ر مينيت وه‌لاتێ پێكڤه‌ژيانێ و لێبوورينێ و هه‌ڤقه‌بوولكرنێ.
