سەرۆکێ دەستەیا بلندا بنگەهێ لالش دیار كر، سوبەهی سێشەمبی ل ژێر چاڤدێرییا سەرۆکێ حکومەتا ھەرێما کوردستانێ و ب پشكدارییا ١١ وەلات و زانکۆیێن ھەرێمێ و بەرپرسێن ھەرێما کوردستانێ و عێراقێ و کەساتیێن جودا، مەزنترین کۆنفرانسێ زانستی یێ نێڤدەولەتی یێ تایبەت ب ئێزدییان ل پارێزگەها دھۆکێ دێ دەستپێكەت و بۆ دەمێ دو رۆژان دێ یێ بەردەوام بیت.
سەعید جردۆ، گۆت ژی: ل ژێر چاڤدێرییا سەرۆکێ حکومەتا ھەرێما کوردستانێ، مەزنترین کۆنفرانسێ نێڤدەوڵەتییێ تایبەت ب ئیزدییان ل هۆلا كۆنفرانسان ل دهۆكێ دێ هێتە سازكرن، مەرەم ژێ ناساندنا ئێزدیاتیێ یە وەکو ئایین و کلتوور و مێژوو و جوگرافییێ یە ل جیھانێ و ڕاستکرنا ئەوان خەلەتیانە یێن بەرامبەر ئێزدییان هاتینە گۆتن ژ لایێ ھندەك نڤیسەر و ڕۆژھەڵاتناسان، لێکۆڵینێن زانستی دێ هێنە پێشکێش کرن دەربارەیی ئێزدیاتییێ ب گشتی، بۆ هندێ ڕاستی دیار بن و کۆمەكا ڕاسپاردان بۆ حکومەتا ھەرێمێ و عێراقێ دێ هێنە بلند كرن، بۆ هندێ پتر گرنگی ب ڤی پێکھاتێ ڕەسەن بهێتە دان.
