نێچیرڤان بارزانی: مە پەیوەندییەكا مێژوویی دگەل ئیرانێ هەیە و ڕۆژ بۆ ڕۆژێ گەشێ دكەت

نێچیرڤان بارزانی سەرۆكێ هەرێما كوردستانێ پشكداری دكوربەندێ تەهران یێ دانوستاندناندا كر و دپانێلەكیدا بەحسا ڕەوشا عیراقێ و سەرەدەرەییا وێ دگەل هەرێما كوردستانێ و پەیوەندییێن هەرێمێ و وەلاتێ ئیرانێ كر.
سەرۆكێ هەرێما كوردستانێ ئاشكراكر، هەرێما كوردستانێ پەیوەندییەكا مێژوویی دگەل كۆمارا ئیسلامییا ئیرانێ هەیە، ئەڤ پەیوەندییە ڕۆژ بۆ ڕۆژێ گەشێ دكەت، ئیران ئێكەم وەلات بوو ل دەمێ شەرێ داعشێ هاریكارییا هەرێما كوردستانێ كری.
سەبارەت سەرەدەرییا عیراقێ دگەل هەرێما كوردستانێ ژی ڕاگەهاند، بەغدا د چارچووڤێ دەستووریدا سەرەدەرییێ دگەل هەرێما كوردستانێ ناكەت، دڤێت عیراق بابەتێ فیدرالی دگەل هەرێما كوردستانێ چارەسەر بكەت.