نێچیرڤان بارزانی دگەل ئەحمەد داود ئۆگلوی كۆمبوو

نێچیرڤان بارزانی سەرۆكێ هەرێما كوردستانێ دگەل ئەحمەد داوود ئۆگلو سەرۆكوەزیرێن پێشتر یێ توركیا و سەرۆكێ پارتا پاشەرۆژا توركیا و شاندێ دگەلدا كۆمبوو.

هەردوو لایەنان پرۆسەیا ئاشتییێ ل توركیا ب هنگاڤ و دەرفەتەكا مێژوویی ل قەلەمدا، كو دڤێت نەهێتە ژ دەستدان و هەموو بۆ سەرخستنا پرۆسەیێ و ب دەستخستنا ئاشتییێ د هاریكاربن، ل دۆر ڤێ چەندێ ژی داكوكی ل سەر ڕۆلێ هاریكار یێ هەرێما كوردستانێ بۆ سەرخستنا پرۆسەیێ هاتە كرن.

سەرۆك نێچیرڤان بارزانی هەلویستێ هەرێما كوردستانێ بۆ پشتەڤانیكرنا تمام ل پرۆسەیێ و سەرخستنا وێ دووپاتكر، ئامادەیی بۆ هەموو هاریكارییەكا پێدڤی ژ پێخەمەت سەرخستنا پرۆسەیا ئاشتییێ دەربری.