ناڤەرۆکا کۆمبوونا ئەڤرۆ یا جڤاتا وەزیران

ئەڤڕۆ چارشەمبی 28ی گولانا 2025 ێ، ب سەرپەرشتيیا سەرۆک وەزیران مەسرور بارزانی، جڤاتا وەزیرێن هەرێما کوردستانێ کۆمبوو.
سەرۆکوەزیران ئاماژە ب گرنگییا وێ سەرەدانێ کر و ڕوونکر کو ويلایەتێن ئێکگرتی یێن ئەمریکا، ب گرنگڤە بەرێخۆ ددەتە پەیوەندییێن خۆ ل گەل هەرێما کوردستانێ وەکو هەڤپشكەكێ سەرەكی، سەرۆکوەزیران پشتەڤانییا واشنتۆن بۆ قەوارێ دەستوورییێ هەرێما کوردستانێ و ماف و دەستهەلاتێن دەستووری ب گرنگ وەسف کرن ب ئاراستا ب هێزكرنا سیستەمێ فیدڕالی و پارێزگاریکرن ل قەوارێ دەستوورییێ هەرێمی.
د هەموو کۆمبووناندا، هەردو ئالیان تەكەزی لسەر ب هێزترکرنا پەیوەندیین هەڤپشك كرینە ب ئاراستا پاراستنا بەرژەوەندییێن هەڤپشك و هەرێمەكا کوردستانی یا ب هێز د چارچوڤێ سیستەمێ فیدرالی دا.
سەرۆکوەزیران ستایشا لێدوانێن وەزیرێ دەرڤە یێ ئەمریكا ماركۆ رۆبیۆ كر” ب تایبەت پشتەڤانییا هەرێما کوردستانێ کو پابەندبوونا ئەمریکا ب پشتەڤانییا هەرێما کوردستانەكا ب هێز و سەقامگیر د چارچوڤێ عێراقا فیدرالیدا دوپاتکرییە، هەروەسا وەزیرێ دەرڤە، ئامادەییا ئەمریکا دوپاتكر بۆ پشتەڤانییا حکومەتا هەرێما کوردستانێ د بیاڤێن جودا دا و دابینکرنا مافێن دەستووری و شایستەێن دارایی یێن هەرێمێ.
سەرۆکوەزیران ستایشا وەزیرێ دەرڤە یێ ئەمریکا بۆ مێهڤانداریکرنا هەرێما کوردستانێ ل پەنابەر و ئاواران و پاراستنا مافێن پێکهاتێن نەتەوەیی و ئایینێن جودا.
جڤاتا وەزیران پێشوازی ل هەڵویستێ ویلایەتێن ئێکگرتی یێن ئەمریکا کر و ڕێز و پێزانین هەنە بۆ پشتەڤانییا وان ل قەوارێ دەستوورییێ هەرێمێ.