ل ھەرێما کوردستانێ ٤٢٩ پرۆژێن ماسییان ھەنە

رێڤەبەرێ سامانێن ماسییان ل وەزارەتا چاندنا حکومەتا ھەرێما کوردستانێ دیار كر: نوكە ل ھەرێما کوردستانێ ٤٢٩ پڕۆژێن ماسییان ھەنە، ب گشتی بەرهەمێ ماسییان ل ھەرێما کوردستانێ دگەهیتە ١٣ھزار تەن هەنە.

بێستوون حسێن، دبێژیت ژی: پڕۆژێن بچووک ژی ھەنە، ئەو ژی د زۆرن و بێمۆلەتن، ئەم کار دکەین ب یاسایێ رێکبێخین، ب رەنگەكێ گشتی بەرھەم دگەهیتە ١٣ھزار تەنێن ماسییان و ٦٥% ێ” پێدڤییێن ناڤخۆ پڕدكەت، ئەوێن دیتر ب رێیا بازرگانییێ ژ عێراقێ و وەلاتێن جیران بۆ مە دهێن.

ناڤهاتی گۆت ژی: دەربارەیی پێدڤییێن ھەر تاکەكی، لدووڤ ستانداردێن جیھانی ھەر تاکەكی (١٦.٥ کغم) یە بۆ ھەر سالەكێ، لەوما ب رەنگەكێ گشتی مە پێدڤی ب ٨٠ ھزار تەنان هەیە بۆ پێدڤییێن ناڤخۆ کو ھەموو جۆرێن ماسییان، بۆ پڕۆژێن سامانێن ماسییان ڕێنمایێن ژمارە نەهـ یا سالا ٢٠٢١ ێ مە هەیە، لدووڤ ئەوان ڕێنماییان ڕەزامەندییا سێ لایەنێن پەیوەندیدار دهێنە وەرگرتن، (ژینگەهـ، شارەوانی و سامانێ ماسی)، ئەم ئاسانکارییێن تەمام بۆ دەکەین بۆ دروستکرنا پڕۆژێن ماسییان، هەروەسا هندەك پڕۆژێن ستراتیژی ھەنە ھندەك مەواد دڤێت و ئەگەر ل ھەرێمێ نەبیت و ژ دەرڤە بهێتن، لێخۆشبوونا گومرگی بۆ دهێتە کرن، ل دەمێ پێگەهشتنا ماسییێن ناڤخۆ” ئەم ناهێلین ماسی ژ دەرڤە بهێنە كوردستانێ.