چەند پێشنیارەک بۆ دەربازبوونێ ژ ئالۆزیێن دارایی و ب تایبەتی مووچەی ل هەرێما کوردستانێ

سەرەرای هندێ کو عیراقێ دەرگەهێن داهاتی ل هەرێما کوردستانێ گرتینە، ئەو ژی ب بریارا دادگەها پاریس بۆ راوەستاندنا هنارتنا پەترۆلا کوردستانێ ب رێیا بەندەرێ جیهانێ یێ تورکیا و ملکەچبوونا هەرێما کوردستانێ ب وان هەمی بریار و رێنمایێن ئەڤە دوو سالە بەغدا لسەر مە د سەپینیت، هەروەسا نیازا خرابا بەغدا بۆ گیروکرنا هنارتنا پەترۆلا هەرێما کوردستانێ ب رێکا سومو و بوهانەیێن بێ رامان هەیڤانە بۆ ب منەت هنارتنا مووچەیێ فەرمانبەران و ل دووماهیێ ژی ب تەمامی بریارا نەهنارتنا مووچەی دا، ئەڤ پێشنیارێن ل خوارێ بەلکی هەرێما کوردستانێ ژ ڤان ئالۆزیان قورتال بکەن:
١. لسەر ئاستێن بلند حزب و لایەنێن سیاسی ل سەروکاتیا هەرێمێ بهێنە کومڤەکرن و پرسا داهاتی بەحس بکەن کو دڤی ماوەی دا هەمی داهاتێن هەرێمێ ژ گۆمورک و رسومات و باج و خزمەتێن جوراوجور یێن کومپانێن زەبەلاح وەردگرن ب دەنە دەستێ حکومەتێ و وەزارەتا دارایی دەرگەهێن خو یێن داهاتی کونترول بکەت، و بلا ئەڤ دەستپێشخەریە ژلایێ وان کومپانیان ژی ڤە بهێتە کرن.
٢. کونترولکرنا مەزاختیان و بتنێ بۆ ژارێن فەر نەبیت وەکو ساخلەمی و پەروەدە و هندەک خزمەتگوزارێن دیتر ئاڤ و کارەب و پاقژکرنا باژێران، مەزختیێن دیتر ژ پێشینە و شایستەیێن دیتر بهێنە راوەستاندن.
٣. جڤاتا وەزیران ب رێکا کەماکێن خو یێن تایبەت ل چاڤدێریا دارایی کونترولا ڤێ پروسێسێ بکەن.
٤. هەرێما کوردستانێ ب رێکا ئەمریکا و وەکاتێن دوست یێ رۆژئاڤا رێکەکێ ببینن بۆ دووبارەهنارتنا پەترۆلێ و مسوگەرکرنا داهاتەکێ هەیڤانە کۆ پتری ٦٠٠ ملیارا دێ ب دەستکەڤیت.
پێشبینی دکەم ب ڤێ چەندێ پتری شایستەیێن مووچەیێ فەرمانبەران دێ ب دەستکەڤیت.