نۆشدارەكێ کورد د لیستا 100 باشترین نۆشدارێن جیهانی بۆ سالا 2025 ێ هاتە هەلبژارتن

د. فوئاد سورچی، نۆشدارێ ددانان ل هەرێما کوردستانێ، د ڕێوڕەسمەكێدا ژ لایێ پەیمانگەها گۆپیتكا جیهانیڤە ب فەرمی دناڤا “100 باشترین نۆشدارێن جیهانی” بۆ سالا 2025 ێ هاتە هەلبژارتن.

د رێوڕەسمەکێدا ب هزاران نۆشدار و بسپۆرێن جیهانی پشكداری تێدا کربوو و دناڤا پتر ژ 150 وەلاتێن جیهانی فوئاد سورچی، هاتە هەلبژارتن.

د. فوئاد سورچی، بچووکترین نۆشدارە دناڤا هەموو ئەوان ناڤێن بۆ ئەوان ڕێوڕەسمان هاتینە هەڵبژرتن، ئەو ژی ل سەر بنەمایێ کۆمەكا پیڤەرێن هویر، ژ وان ژی لێهاتییا پیشەیی، باشیا لێكۆلینێ، خزمەتکرنا جڤاكی و پشكداریکرن د پەروەردە و ڕاهێنانێن نۆشداری دا بوویە.

فوئاد سورچی، د وی ڕێوڕەسمیدا سیمپۆزیۆمەكا زانستێ نۆشداری پێشکێش کر و دیتنەكا گشتییا كەلها هەولێرێ ل سەر شاشەیی پێشکێشی دەستەیا دادوەرییا نێڤدەولەتی و سەدان نۆشدارێن ئامادەبوویی کر.

ناڤهاتی گۆت: پشكدارییا من د ڤان ڕێوڕەسمان دا، بۆ ئەزموونا پەروەردەیی و نۆشدارییا هەرێمێ، هەروەسا دروستکرنا مۆدێلەكێ بۆ نڤشێن بهێن ل گەل ب هێزکرنا کوردستانێ ل سەر شانۆیا نێڤدەولەتی بوویە.