بەشیر حەداد: ئەو دەم یێ هاتی حکومەتا هەرێما کوردستانێ بریارێ بدەت

جێگرێ پێشتر یێ سەرۆکێ پەرلەمانێ عێراقێ دبێژیت: ئارمانجا بەغدا قالبدانا هەرێما کوردستانێ و نەدانا مووچەیە، لەوما ئەو دەم هاتییە، حکومەتا هەرێما کوردستانێ بڕیارێ بدەت.

بەشیر حەداد، هێشتا دبێژیت: بەغدا ئارمانجەكا سیاسی ل پشت نەهنارتنا موچەیی هەیە، دەمێ 48 دەمژمێران تەمام بوو، کۆمبوونا ڕۆژا سێشەمبی تەمام بوو، لژنا سەرۆکوەزیرێن عێراقێ محەمەد شیاع سوودانی ژی پێکئینایی کارێن خۆ ڕاگرتن، هەموو ئاماژە وێ چەندێ دیاردكەن، بەغدا ڕێککەفتن نەڤێت.

بەشیر حەدادی گۆت ژی: پێدڤییە نوكە حکومەتا هەرێما کوردستانێ بڕیارا خۆ بدەت، بەلێ بڕیارەكا حەکیمانە بیت، بڕیارەكا هەموو لایەنێن سیاسی یێن کوردستانی بیت، هەروەسا لژنەک ژ کەسایەتی و سیاسەتمەدارێن هەرێما کوردستانێ پێکبهێت و ببیتە لژنەكا نیشتمانی، بۆ هندێ چارەسەرییەكا نیشتمانیی بهێتە دیتن، ل وی دەمی بڕیارەكا گشتی بەرانبەر بەغدا بدەن.