سوبەهی فراکسیۆنا پارتی دێ پشكدارییێ د کۆمبوونا پەرلەمانێ عیراقێ دا كەت

سوبەهی پەرلەمانێ عێراقێ دێ روونشتا خۆ یا ئاسایی ئەنجام دەت.

د. نەهلە ئەفەندی” ئەنداما فراكسیۆنا پارتی دیموكراتی كوردستان” ل پەرلەمانێ عیراقێ” دیار كر: سوبەهی دوشەمبی فراکسیۆنا پارتی دێ پشكدارییێ د کۆمبوونا پەرلەمانێ عێراقێ دا كەت” هەروەسا ل کۆمبوونا رۆژا شەمبییێ دا مە پشكداری تێدا نەكر” هەر چەندە هەموو لایەنێن سیاسی پەیوەندی ب مە کرینە داكو ڤەگەرینەڤە ناڤا کۆمبوونێن پەرلەمانی و مە ژی گۆتیە وان” ئەگەر چ گۆهورین نەبن و پرسا موچەیی تەوەرێ سەرەکییێ وێ کۆمبوونێ نەبیت” دێ مە وەكو پارتی هەلویست هەبیت.

ئەو ئەنداما پەرلەمانێ عیراقێ هێشتا دبێژیت: هەردەم پەیامێن سەرۆک بارزانی و کۆمبوونێن وی ل گەل لایەنێن سیاسی د بەرهەمدار بووینە و پشتی کۆمبوونا دوهی ل گەل نوری مالکی” هەموو لایەنان بزاڤكرینە فراکسیۆنا پارتی پشكدارییێ د كۆمبوونێن پەرلەمانی دا بكەن” روونشتنا مە یا سوبەهی دێ یا گرێدایی بیت ب بڕیارێن ئەڤرۆ یێن دادگەها فیدڕالییا عیراقێ ل سەر پرسا موچەیی، هەروەسا دێ چاڤەرێی داوی بڕیارا کۆمبوونا ئەڤرۆ یا دناڤبەرا مەسرور بارزانی سەرۆکێ حکومەتێ و قوباد تالەبانی جێگرێ سەرۆکێ حکومەتێ بین و پاشی دێ داوی بریارێ ل سەر ئێکدەنگی و دانوستاندنان دەین د کۆمبوونا پەرلەمانێ عێراقێ دا.