سهروكێ توركیا ڕەجەب تەیب ئهردوگانی ئیمزا ل سهر بریارا ژماره 10113 ل 21/7/2025 كر بۆ ژناڤبرنا ڕێككەڤتنێ ب هەموو پروتۆكۆلێن و یاداشتین خۆڤه، ئهوا ل 27//8/ 1973 هاتیه ئیمزاكرن، كو دبیته 52 سال .
مهرهما توركیا:
-
ژناڤبرنا ڤێ ڕێككەڤتنێ ژ بهر تورهبوونا توركیایە ژ عیراقى، پشتى كهیسهك ل سهر توركیا تۆماركرى ل دادگهها ژۆرا بازرگانییا پاریس، د ئهنجامدا توركیا هاته سزادان ب ئێك ملیار و 500 ملیۆن دۆلاران، ژ بهر ڕازیبوونا توركیا بۆ ڤهگۆهاستنا پهترۆلا ههرێما كوردستانێ ب ڕێیا بۆرییا جیهان بۆ بازارێن نیڤدهولهتى، ژبەركو ئهڤ كاره دژى ڕێككەڤتنا عیراقێیه د گهل توركیا، د ئهنجامدا ڤهگۆهاستنا پهترۆلا كهركووك وههرێما كوردستانێ هاته ڕاوهستانن.
-
ب جهئینانا پروژى (ڕێكا ڤهژاندنێ) بۆ ڤهگوهاستنا پهترۆلا عێراقێ ب رێیا توركیا بهرهف ئهوروبا.
-
توركیا دڤێت هێلهكا نوو یا ڤهگۆهاستنا غاز و پهترۆلێ ب ناڤێ هیلا ( بهسرا – سلوپى) ل باژێرێ حهدیسه بۆ دەریا ناڤهراست ب ڕێیا توركیا دروست بكهت
-
ژلایهكێ دیڤه توركیا دڤێت ڕێككەڤتنەكا دى ئیمزابكهت كو دهزكهفتێن باشتر تێدا بن تایبهت د ڕێڤهبرنا ڤێ بۆرییێدا.
-
توركیا دڤێت خەرجییێن ڤهگۆهاستنا پهترۆلا عیراقى بلند بیت .
-
د پروژەیێن غازا سروشتى ل ههرێما كوردستانێدا هەڤپشك بیت.
-
پشهكهك ژ زەڤییێن پهترولێ ههبیت.
كارتیكرنا وێ ل سهر عیراقێ :
-
گورزهك بۆ ل سهر هنارتنا پهترۆلا عێراقێ، ژبهركو ب ڕێیا ڤیێ بۆرییێ، ڕۆژانە 500 هزار بهرمیل ژ پهترۆلا كهركووك بو بازارێن جیهانى دهاتنە هنارتن.
-
سهپاندنا هندهك مهرجێن نوو ژلایێ توركیاڤه بۆ سهر عیراقێ.
-
دروستبوونا ئاریشەیەكا ئابوورى و سیاسى یا مهزن بۆ عیراقى بهرى سالا 2026
-
بهێزبوونا توركیا د دانوستاندنادا دگهل عیراقى ب كارتا پهترولێ.
كارتیكرنا وێ ل سهر كوردستانێ :
-
دێ كارتیكرنێ ل سهر كوردستانێ كهت، ژبەركو 80% یا بۆدجەیا هەرێما كوردستانێ ژ هنارتنا پهترولێیە.
-
ههرێم زێدهتر ژ ئێك ملیار دولارا زیان پێ كهفتییه ههر ژ سالا 2023ێ پشتى ڤهگۆهاستنا پهترولا وێ هاتیه ڕاوستاندن.
-
تاكه ڕێیا هنارتنا پەترۆلا هەرێما كوردستانێیە.
-
ژلایهكێ دیڤه هندهك ژێدهر دیار دكهن، زیان ب ههرێمێ ناكهڤیت، ژبەركو ڕێككەڤتنا ههرێمێ وتوركیا پهیوهندى ب ڕێككەڤتنا عیراقێ و توركیاڤه نینه.
پێگهورێ بۆریا توركیا بۆ عیراقێ :
-
دووباره عیراق دانوستاندنان دگهل توركیا بكهت بۆ پاراستنا بهرژهوهندیێن ههردوو لا .
-
یان ڤهژاندنا هێلا عیراق سوریا ( بانیاس )، داكو ببیتە پێگهۆرا هیلا بۆریا توركیا، لێ ئاریشە ئەوە، ڕەوشا سووریا یا ئارام نینە، نووژەنكرنا وێ بۆرییێ پێدڤی ب ملیاران دۆلارایە.
-
هێلا عیراق سعودیه ل بهندهرێ یهنبع .
-
ڕێیا كهنداڤێ عهرهب.
-
ڕێیا بهندهرى عهقهبه ل ولاتێ ئوردن.
