<h2>ل بریتانیا ڤەكۆلینەكا ڤەخوارنا شەربەتا شێلمدران، ل سەر مرۆڤێن دانعەمر هاتە كرن، دەركەڤت ئەو شەربەتە بوویە ئەگرێ كێمبوونا فشارا خوینێ. ڤەكۆلین ل كۆڤارا Free Root Biology and Medicine هاتییە بەلاڤكرن، بسپۆر دبێژن: ئەو نایتریتێ دناڤ شێلمدراندا هەی، كارلێكێ دگەل بەكتریایێن مفادار دناڤ دەڤیدا دكەن، ئۆكسیدێ نیتریكی ژێ دهێتە بەرهەمئینان، كو ئەوی مادەی ڕۆلێ سەرەكی د ڕێكخستنا فشارا خوینێدا هەیە. پرۆفیسۆر ئان ڤانهاتالۆ سەرپەرشتێ ڤەكۆلینێ دیاردكەت، ئۆكسیدێ نیتریك هاریكارە بۆ بەرفرەهبوونا خرۆكێن خوینێ، ئەڤ چەندە ژی ڕۆلی د كێمكرنا فشارا خوینێدا ب تایبەتی ل دەڤ مرۆڤێن دانعەمر دگێریت. ئەو پرۆفیسۆرە دبێژیت: نایترەیت دناڤ ( سپیناخ، ڕەش ڕەشكان، شێلمدر، گێزەر، برۆكلی و خیاراندا ) هەیە. ل دۆڤ كۆمەلا خوارنێ ل كەندا، شەربەتا شێلمدران ئەڤ مفایە هەنە: * چالاككرنا هاتنوچوونا خوینێ * بلندكرنا ئاسنێ خوینێ * ب هێزكرنا بەرگرییا لەشی * كێمكرنا دوهنێ ل سەر مێلاكێ * زێدەكرنا بریسقینا پیستی * كێمكرنا ئەگەرێ توشبوونێ ب جەلتەیا دلی * بلندكرنا ڤیتامین و مادەیێن كانزایی</h2>
