نێچیرڤان بارزانی: ئەركێ حكومەتا عیراقێیە، ئێزدییان قەرەبوو بكەت

نێچیرڤان بارزانی سەرۆكێ هەرێما كوردستانێ پەیامەك ب هەلكەڤتا جینۆسایدا ئێزدییان بەلاڤكر و تێدا دیاركر، ئەڤرۆ ئەو ئازارێن 11 سالییا جینۆسایدا ئێزدییان ل بیردئینن، جهێ دلگرانییەكا مەزنە كو ئەڤە 11 سالە هێشتا نێزیكی نیڤا ئێزدییان د ڕەوشەكا دژوار ئابوری و جڤاكی و دەرونیدا ل كەمپان دژین.

سەرۆكێ هەرێما كوردستانێ د پەیاما خۆدا ئاماژە ب هندێ دا، ئەركێ حكومەتا عیراقێیە، وەلاتییێن ئێزدی قەرەبوو بكەت، ئێدی ڕێ نەدەت شنگال و دەڤەرا ئێزدییان، ببیتە مەیدانا هەڤركییا میلیشییان و گرۆپێن چەكدار و ئێكلاكرنا ئەجندایێن هەرێمی.