هێزێن حهشدا شهعبى ل سالا 2014 ل سهر فهتوا عهلى سیستانى مهرجەعێ بلند شیعەیان ل عیراقێ هاتینه دامهزراندن، پشتى كو تیرۆرستێن داعشێ باژێرێن مووسل، تكریت و ئهنبار داگیركرین و نێزیكی بهغدا بووین، بۆچی نوكە حەشدا شەعبی دڤێت ببیتە فەرمی و مهرهمێن ل پشت قانوونا نوی یا حهشدا شهعبى چنە؟
– قانوونا نوی خاندنا ئێكێ بۆ هاتیه كرن، ب تنێ دهنگ دان یا ماى.
– سهرۆكێ حهشدێ دێ پلا وەزیر وەرگریت، دێ بیتە ئهندامى جڤاتا ئاسایشا نیشتمانى و
خانەنشینی ژێ ناگریت
– قانوونا نوی گهلهك دەستكەڤتان د دهته ڤێ هێزێ، وهكو دانەنیاسینا حهشدا شهعبى د چارچوڤێ قانوونێدا.
– مافێ لڤاندنا هێزێ ل ناڤخۆ وههرێمایهتییێ ههبیت بۆ بهرگرییێ ژ بهرژهوهندیێن ئیرانێ.
– ئهڤ هێزه دێ هێته نیاسین وهك پارێزهر بۆ ڕژێما سیاسى ل عیراقێ.
– دێ دهست تێوهردانێ د پرۆسەیا تۆماركرنا بهربژێرا و دهنگدان و دروستكرنا حكومهتێ و ژناڤبرنا لایهنێن نهرازیدا كەت، دگهل هێزین عێراقی هاوتابیت.
– دێ شێت دژی دەستهەلاتێن سەرۆكوەزیران ڕاوەستیت.
– ئهڤ قانوونە دێ سهربهخۆیێ دهته دهسههلاتا حهشدێ ژلایێ سیاسى وئابوورى وسهربازى ب شێوهكێ بهرفرههـ.
– كۆلیژهكا سهربازى یا تایبهت ههبیت و كارێن ههوالگێریێ یێن تایبهت كەت.
– دێ مافێ دامهزراندنا كۆمپانیێن تایبهت هەبیت.
– چهكێ تایبهت و پێشكهفتى دێ ههبیت، نابیتە پشكەك ژ لەشكرێ عیراقێ.
– سیفهتا ئاینى دهته ڤێ هێزێ وناڤێ چهكدارێن خۆ كهته (مجاهد)، وهك هێزا پاسداران یا ئیرانێ بیت.
– ئهڤ قانوونە دژى دهستورێ عێراقێیه ب تایبهت بهندێ (9) كو نابیت هیچ هێزهكا میلیشیایان دروست بیت ژ دهرڤهى دهزگایێ لەشكرێ عیراقێ.
گهلهك ژێدهر دیار دكهن كو دهنگ دان ل سهر ناهێتهكرن ژ بهر ماوێ ڤێ خۆلێ كێم یێ ماى و دێ هێته بكارئینان ل بابهتێ ههلبژارتنان، ههروهسا وهك كارتهك د دانوستاندناندا دگهل ئهمریكا، بهلێ ئهڤ پێنگاڤه یا شاشه ژبهركو عیراق و حهشدا شهعبى بهرامبهر ئهمریكا د لاوازن، لایەنێن كوردی و سوننی ژی ڤێ قانوونێ ڕەت دكەن.
كار و كریارێن حهشدا شهعبى:
– هێرشێ دكهته سهر بالیۆزخانەیا ئهمریكا و بنگههێن وێ یێن سهربازى وئابوورى ل ههرێما كوردستانێ .
– هێرشێن بهردهوام دكهته سهر ههریما كوردستانێ ب تایبهت بنگههێن سهربازى و زەڤییێن پهترولێ.
– مهترسیه ل سهر ئارامییا جڤاكی و ئهگهرێ ئازراندنا ناكوكیێن تائیفى و مەزهەبی و نهتهوهیی یە د ناڤ كۆمهلگههێدا.
– مافێن مرۆڤى بنپێ دكەت، كوشتنێ دكەت، مرۆڤان د ڕەڤینیت، ئەڤان كاران ب تایبەتی ل دەڤەرێن سوننی دكەت.
– ئهجندایێن ئیرانى ل ناڤخۆ و دهرڤهى عیراقێ بجهـ دئینیت، ژبهركو پهیوهندیێن گرنگ دگهل ئیرانێ هەنە.
– حهشد بوویه جهێ ڤهحهواندنا گرۆپێن چهكدار یێن نێزیكی ئیرانێ.
– بزاڤێ دكەت دیمۆگرافییا دهڤهرێن مادێ(140) ب گوهۆریت.
– بەردەوام بزاڤان بۆ لاوازكرنا حكومەتا عیراقێ دكەت.
– داخویانییان دژى وەلاتێن جیران وهك توركیا وسعودیه د دەت.
– مهترسییه ل سهر پرۆسەیا سیاسى و دیمۆكراسى ل عێراقێ.
– مهترسییا كرنا كودهتایهكێ ل بهغدا ژلایێ گرۆپێن نزیك ئیرانێڤه.
– مهترسییه ل سهر ئاساییشا دهولهتێن ههرێمى ژبهر پشكداربوونا وێ د ژ چالاكییێن دهرڤهى عێراقێ ل سووری، لوبنان و یهمهنێ.
– ژ سالا (2015)ێ وەرە پرۆسەیا خۆبهخشینێ د ناڤ لەشكرێ عیراقێ و هێزێن دژه تیرورێدا هاتیه ڕاوهستاندن، لێ دناڤ حهشدا شهعبىدا خۆبهخشین یا بهردهوامه دهێته پێشبینى كرن ژمارا وان ژ (122هزاران) بوویه (238 هزاران).
چ سیناریو ههنه:
– دهمجكرنا هێزێن حهشدا شهعبى د ناڤ وهزارهتا بهرگرى یان وهزارهتا ناڤخو و دناڤ دامودهزگههێن دهولهتا عیراقێدا.
– ببیته هێزهك وهك (زێرەڤانێن نیشتیمانى ) ل ئهمریكا وسعودیه، بهێزتر بیت ژ وهزارهتا ناڤخۆ.
– ژێكجوداكرنا وێ و كێمكرنا ڕۆلێ وێ ب ڕێیا فشارێن سیاسى و ئابوورى و لەشكری تایبهت ژلایێ ئهمریكاڤه.
– دووباره دروستكرنا پهیكهرێ وێ ب رێیا چاكسازی یێن كارگێرى و سهربازى.
حهشدا شهعبى ژ گهلهك گرۆپێن میلیشییاتان پێك دهێت وهكو: فەیلەقا بهدر ب سەرۆكایەتییا هادى ئەلعامرى ژمارا وان 10هزارن، میلیشیایێن حزب الله یا عێراقى ب سهرۆكایهتییا ئەبو فدك ژماراوان 7 هزارن، عەصائب ئەهل ئەلحەق ب سهرۆكایەتییا قەیس غەزعەلی ژمارا وان 3500 سهربازن، میلیشیایێن كەتائب سەید ئەلشەهداوی ب سهرۆكایەتیا ئەبو ئالا و ئەلوەلائی ژمارا وان 4 هزارن، سەرایا ئەلخرسانی ب سهرۆكایەتییا عەلی ئەلیاسری ژمارا وان 3 هزارن، سەرایا ئەلجیهاد و ئەلبناو ب سهرۆكاتەتییا حەسەن ئەلساری ژمارا وان 3500 سهربازن، لواء ئەلشەبەك ب سهرۆكایەیتیا وەعد قدو ژماراوان 1500 سهربازن – ملیشیایێن بابلیون ب سهرۆكایەتییا ڕەیان كلدانی ژماراوان 1500 سهربازن.
ئهڤ هێزه ل دووڤ قانوونا ژماره (40) ل سالا (2016)ێ هاتبوو ڕێكخستن، داكو دهست تێوهردانێ د سیاسەتێدا نەكەت.
