رێڤەبەرییا گشتییا حەج و عومرێ: هەتاكو عومرەكارێن كوردستانێ یێن ل سعوودی ب فرۆكێ ڤەنەگەرنەڤە چ گەشتێن ئەسمانی ناهێنە كرن

هەتا عومرەكارێن كوردستانێ ل سعوودی ب فرۆكێ ڤەنەگەرنەڤە چ گەشتێن عومرێ ب رێیا ئەسمانی ژ كوردستانێ بۆ سعوودی ناهێنە كرن.

کاروان ستوونی، پەیڤدارێ رێڤەبەرییا حەج و عومرێ ل هەرێما کوردستانێ” دیار كر: وه‌كو هه‌لویستەك به‌رامبه‌ری گیروكرنا ڤەگه‌ڕاندنا  ئه‌وان وەلاتیێن ب فرۆكێ‌ گه‌شتا عومڕا كرین و ل‌ سعوودی ئاسێ ماین‌” ژ ئەگەرێ نه‌بوونا فرۆكێ نەچاربووینه‌ ب‌ پاسێ ڤەگەرن یان ژی بمیننە ل وێرێ” لەوما رێكێ ب‌ چ گه‌شتەكا عومڕێ یا ئەسمانی ل كوردستانێ ناده‌ین بۆ برنا وەلاتیان بۆ عه‌ره‌بستانا سعوودیه‌” هەتاكو هه‌موو ئه‌و عومڕه‌كارێن ل وێرێ د‌ نێزیكترین دەمدا دهێنە ڤەگەراندن و دل ئارامیا ته‌مام نەهێتەدان” كو ئه‌و وەلاتییێن برینە عومرێ د دەمێ خۆیێ‌ دیاركری دا دهێنە ڤەگەراندن ‌بۆ هه‌رێما كوردستانێ.‌

ناڤهاتی گۆت ژی: مە وەكو رێڤه‌به‌رییا گشتییا حه‌ج و عومڕێ ل كوردستانێ” ئاگەهدارییا هه‌موو كۆمپانیێن حه‌ج و عومڕێ كرییە”  ل هه‌موو پارێزگەهـ و ئیدارێن سه‌ربه‌خۆ چ گه‌شتێن عومرێ ب‌ رێیا ئەسمانی رێكنەئێخن هەتاكو رێڤه‌به‌ریا گشتییا حه‌ج و عومڕه‌ رێكێ ددەتە وان” هەروەسا هۆشدارییێ ددەینە بریكارێن هێلا فرۆكه‌ڤانیا عیراقی” كو پێدڤییە بزاڤێ بكەن د‌ زووترین دەمدا عومڕه‌كارێن كوردستانێ ژ سعوودیه‌ ڤەگەریننەڤە” هەكە دێ رووبروو لێپرسینا یاسایی ‌بن.