چارشەمبی10 ئیلونا 2025ێ، نێچیرڤان بارزانی سەرۆكێ هەرێما كوردستانێ، پێشوازی ل سەعید هاجری، وەزیرێ دەولەت و هنارتییێ تایبەت یێ ئیماراتێ بۆ كاروبارێن ئابووری بۆ هەرێما كوردستانێ و شاندێ ل گە ل دا كر.
سەرۆكاتییا هەرێما كوردستانێ ڕاگەهاندنەك بەلاڤكر و تێدا هاتییە؛ دكۆمبوونێدا هەردوو لایان دوپاتی ل دیرۆكا دۆستایەتییێ و خواستا هەردوولایان بۆ پێشڤەبرن و بەرفرەھكرنا هاریكاریێن هەڤپشك دناڤبەرا هەردوولایان كر، بتایبەت دوان بیاڤاندا كو بۆ هەردوو لایان دگرنگن.
هەروەسا هەردوو لایان بۆ هەبوونا یاسایەكا هاندەر و ژینگەهەكا هاریكار بۆ وەبەرهێنانێ ل هەرێما كوردستانێ ب گرنگ هەلسەنگاند.
ل دووڤ ڕاگەهاندنێ، نێچیرڤان بارزانی سەرەرایی سوپاسیكرنا سەركردایەتی و حكومەتا ئیماراتێ بۆ هاریكاری و پشتەڤانیێ ل عیراقێ وهەرێما كوردستانێ و دەستنیشانكرنا هنارتییەكێ تایبەتێ ئیماراتی بۆ كاروبارێن ئابووری بۆ هەرێما كوردستانێ، ب پێنگاڤەكا گرنگ قەلامدا كو گرنگییا پەیوەندیێن هەردوو لایان نیشان ددەت.
سەرۆكێ هەرێما كوردستانێ سوپاس وپێزانینن بۆ سەرۆكێ ئیماراتێ محەمەد بن زاید ئال نەهیان دوپات كر، كو ل نیسانا بووری د كۆمبوونەكا دووقوولی دا ل ئەبوزەبی، دوپات ل هنارتنا هنارتییەكێ تایبەتێ ئیماراتی بۆ وەبەرهێنانێ بۆ هەرێما كوردستانێ كربوو.
