رێڤەبەرێ بەرھەمئینانا کارەبا ھەرێما کوردستانێ دبێژیت، هەتا نوكە پتر ژ ٣سێ هزار موەلیدەیان هاتینە ڤەمراندن و سەنتەرێ ھەموو پارێزگەهێن ھەرێمێ بووینە خودان کارەبا ٢٤ دەمژمێری.
فارس میرخان، رێڤەبەرێ بەرھەمئینانا کارەبا ھەرێما کوردستانێ ئەو ژی گۆت: پشتی بجهئینانا پڕۆژێ رۆناکی ل ھەرێما کوردستانێ، هەتا نوكە سێ ھزار و ٢٢٢ موەلیدە ل ھەرێما كوردستانێ هاتینە ڤەمراندن، کو ل ھەولێرێ دو ھزار و ١٩٧ موەلیدە و ل سلێمانیێ ٦٠٤ موەلیدە و ل دھۆکێ ژی ٣٥٦ موەلیدە و ل ھەلەبجە ٦٥ موەلیدە هاتینە ڤەمراندن، دێ د بەردەوام ژی بین و هەر جهێ کارەبا رۆناکی بگەهیتێ دێ موەلیدە هێنە ڤەمراندن و هەتا دووماهیا ئەڤ سالە دێ حەفت ھزار موەلیدە هێنە ڤەمراندن.
فارس میرخانی گۆت ژی: ژ ئەگەرێ ڤەمراندنا ئەوان موەلیدان” دڤێ قووناغێ دا بۆ کێمکرنا دەردانا دووەم ئۆکسیدێ کاربۆن، سالانە ل ھەولێرێ ٤١٠ ھزار تەن و ل سلێمانیێ ١١٢ ھزار تەن و ل دھۆکێ سالانە ٦٣ ھزار تەن و ل ھەلەبجە سالانە ١٥ ھزار تەن کێم بووینە، کو کاریگەرییەکا زۆر باش لسەر پاقژبوونا ژینگەها ھەرێما کوردستانێ هەبیت.
نوكە ل پارێزگەها ھەلەبجە ب گشتی و سەنتەرێ پارێزگەها سلێمانیێ و سەنتەرێ پارێزگەها ھەولێرێ و سەنتەرێ پارێزگەها دھۆکێ بووینە کارەبا ٢٤ دەمژمێری و ل قەزا و ناحیان ژی دەست ب بجهئینانا وی پڕۆژەیی دهێتە کرن، وەسا بڕیارە هەتا دووماهییا هەیڤا ١٠ یا ئەڤ سالە ٨٠% ێ” یا پڕۆژێ رۆناکی بهێتە بجهئینان و هەتا دووماهییا سالا بهێت” ل ھەموو ھەرێما کوردستانێ دێ هێتە بجهئینان.
